តាមរយៈការឧបត្ថម្ភពីក្រុមហ៊ុនផ្តល់សេវាកម្មកម្សាន្តឈានមុខគេនៅកម្ពុជា 2MBET ថ្មីៗនេះ តំណាងក្រុមការងារ CTS Sports បានចុះទៅផ្តល់ជូនឈុតសំលៀកបំពាក់ ឧបត្ថម្ភដល់ក្រុមបាល់ទាត់ Lion King។ នេះជាការផ្តល់ជូនឥតគិតថ្លៃ សម្រាប់ក្រុមបាល់ទាត់ឈុតតូចក្រៅអាជីព ជាពិសេសផ្តល់អាទិភាពដល់ក្រុមដែលមានការខ្វះខាតពិតប្រាកដ នៅទូទាំងបណ្តារាជធានី/ខេត្ត។
Lion King ជាក្រុមដែលទើបបង្កើតឡើងថ្មីបាន ៣ ខែ ដោយសរុបសមាជិកមកទល់ពេលនេះ មានចំនួន ២៥ នាក់។ ក្រុមមានមូលដ្ឋានស្ថិតនៅឯខេត្តតាកែវ គ្រប់គ្រងដោយប្រធានក្រុម លោក ឈឿង និរោទ បានលើកឡើងយ៉ាងដូច្នោះថា៖
“ក្នុងនាមខ្ញុំជាប្រធានក្រុមបាល់ទាត់មួយរូបខ្ញុំចង់អោយយុវជនទាំងអស់ងាកមកលេងកីឡាបាល់ទាត់ ដើម្បីជៀសឆ្ងាយពីការសេពនិងប្រើប្រាស់គ្រឿងញៀន ហើយជុំវិញឆន្ទៈទៅថ្ងៃខាងមុខ ពួកខ្ញុំចង់អោយក្រុមទាំងមូលមានអ្នកស្គាល់ច្រើនហើយអាចមានឱកាសទៅប្រកួតប្រជែងជាមួយក្រុមធំៗនៅកម្ពុជាយើង”។
ប្រធានក្រុមខាងលើ ក៏បានផ្ញើសារទៅក្រុមហ៊ុនឧបត្ថម្ភ 2MBET បែបនេះ៖
“ខ្ញុំសូមអរគុណដល់ក្រុមហ៊ុន 2MBET ដែលបានផ្ដល់នៅឈុតសំលៀកបំពាក់យ៉ាងស្រស់ស្អាតមកដល់ក្រុមរបស់ខ្ញុំ ហើយសូមជូនពរអោយក្រុមហ៊ុន 2MBET មានការគាំទ្រកាន់តែច្រើនឡើងបន្ថែមទៀត”៕