តាមរយៈការឧបត្ថម្ភពីក្រុមហ៊ុនផ្តល់សេវាកម្មកម្សាន្តឈានមុខគេនៅកម្ពុជា 2MBET ថ្មីៗនេះ តំណាងក្រុមការងារ CTS Sports បានចុះទៅផ្តល់ជូនឈុតសំលៀកបំពាក់ ឧបត្ថម្ភដល់ក្រុមបាល់ទាត់ Thunderstorms FC។ នេះជាការផ្តល់ជូនឥតគិតថ្លៃ សម្រាប់ក្រុមបាល់ទាត់ឈុតតូចក្រៅអាជីព ជាពិសេសផ្តល់អាទិភាពដល់ក្រុមដែលមានការខ្វះខាតពិតប្រាកដ នៅទូទាំងបណ្តារាជធានី/ខេត្ត។
Thunderstorms FC ជាក្រុមដែលបង្កើតឡើងបាន ១ឆ្នាំមកហើយ ដោយសរុបសមាជិកមកទល់ពេលនេះ មានចំនួន ២៥ នាក់។ ក្រុមមានមូលដ្ឋានស្ថិតក្នុងទីក្រុងភ្នំពេញ គ្រប់គ្រងដោយប្រធានក្រុម លោក រ៉េត ណារ៉ុង បានលើកឡើងយ៉ាងដូច្នោះថា៖
“បើទោះបីយើងមិនមែនជាក្រុមពាក់កណ្តាលអាជីព ហើយបច្ចុប្បន្នត្រឹមជាក្រុមលេងបាយបាន តែពួកយើងក៏នឹងប្តេជ្ញាប្រមូលផ្តុំបន្ថែម ក៏ដូចជាជំរុញយុវជនឲ្យងាកមកចូលរួម ដើម្បីជៀសឆ្ងាយពីគ្រឿងញៀន ក៏ដូចជាការប្រព្រឹត្តិអំពើអបាយមុខផ្សេងៗ ដែលសង្គមមិនទទួលស្គាល់”។
ប្រធានក្រុមខាងលើក៏មានសារចែករំលែកទៅកាន់យុវជនឯទៀតបែបនេះ៖
“ខ្ញុំចង់អោយយុវជនយេីងដែលមានចិត្តស្រលាញ់និងចូលចិត្តលេងកីឡាបាល់ទាត់ សូមធ្វើការបន្ត ហើយក៏លេីកទឹកចិត្តដល់អ្នកដែលទើបចង់ចាប់ផ្តើមលេង ព្រោះថាបាល់ទាត់មិនត្រឹមតែជាការប្រកួតប្រជែងប៉ុណ្ណោះទេ តែវាក៏នាំមកនូវសុខភាពល្អនិងមិត្តភាពថែមទៀតផង”។
“ក៏សូមថ្លែងអំណរគុណដល់ក្រុមហ៊ុន 2MBET និង CTS Sports ដែលបានរៀបចំកម្មវិធីផ្តល់ជូនឈុតឯកសណ្ឋានឥតគិតថ្លៃដល់ក្រុមបាល់ទាត់ខ្វះខាតនានា ដោយនេះខ្ញុំគិតថា ប្លែក ហើយវាពិតជាល្អមែនទែន ដូច្នេះមានតែពាក្យជូនពរឲ្យក្រុមហ៊ុនកាន់តែទទួលបានការគាំទ្រ និងមានអតិថិជនកាន់តែច្រើនឡើង”៕