តាមរយៈការឧបត្ថម្ភពីក្រុមហ៊ុនផ្តល់សេវាកម្មកម្សាន្តឈានមុខគេនៅកម្ពុជា 2MBET ថ្មីៗនេះ តំណាងក្រុមការងារ CTS Sports បានចុះទៅផ្តល់ជូនឈុតសំលៀកបំពាក់ ឧបត្ថម្ភដល់ក្រុមបាល់ទាត់ AC KSM នៅខាងខេត្តមណ្ឌលគិរី។ នេះជាការផ្តល់ជូនឥតគិតថ្លៃ សម្រាប់ក្រុមបាល់ទាត់ឈុតតូចក្រៅអាជីព ជាពិសេសផ្តល់អាទិភាពដល់ក្រុមដែលមានការខ្វះខាតពិតប្រាកដ នៅទូទាំងបណ្តារាជធានី/ខេត្ត។
AC KSM ឬឥន្រ្ទីក្រហម ជាក្រុមដែលបង្កើតឡើងបាន ៥ ឆ្នាំមកហើយ ដោយសរុបសមាជិកមកទល់ពេលនេះ មានចំនួន ២៨ នាក់។ ក្រុមមានមូលដ្ឋានស្ថិតនៅភាគខាងកើតប្រទេសមួយនេះ គ្រប់គ្រងដោយប្រធានក្រុម លោក ផាង កាក់ បានលើកឡើងយ៉ាងដូច្នោះថា៖
“ការផ្តួចផ្តើមបង្កើតក្រុមនេះឡើង គឺយើងមានត្រឹមគោលដៅចម្បង លេងដើម្បីទទួលបានសុខភាពល្អ និង បង្កើនចំណងមិត្តភាព រៀងរាល់ការប្រកួតនីមួយៗតាមស្រុកនិងងខេត្តផ្សេង ហើយមានគោលដៅ ចង់ផ្តល់ឱកាសសម្រាប់យុវជនជំនាន់ក្រោយ បញ្ចេញនូវសមត្ថភាព ក៏ដូចជាឲ្យបានយល់ច្បាស់អំពីរបៀបលេង យល់ពីបាល់ទាត់ និងចង់ឲ្យពួកគេចូលរួមលេងកីឡាទាំងអស់គ្នាមិនថាជាការប្រកួតពានរង្វាន់ឬលេងមិត្តភាពក្តី”។
យុវជនខាងលើក៏បង្ហើបពីឆន្ទៈនៃក្រុមរបស់ខ្លួនបែបនេះ៖
“ក្នុងនាមខ្ញុំជាប្រធានក្រុមបាល់ទាត់ AC KSM ឬ ឥន្ទ្រីក្រហម ខ្ញុំចង់ឃើញសុំត្រឹមកីឡាករណាម្នាក់ក្នុងក្រុម អាចមានឱកាសលេងអោយតំណាងស្រុកឬតំណាងថ្នាក់ខេត្តប៉ុន្តែបើអាចចង់អោយពួកគេលេងជាលក្ខណៈអាជីពតែម្ដងទៅថ្ងៃអនាគត ព្រោះពួកគាត់ស្រលាញ់កីឡាបាល់ទាត់មួយនេះខ្លាំងណាស់”។
ចុងក្រោយ ប្រធានក្រុម AC KSM ក៏បានបញ្ជាក់៖
“ខ្ញុំសូមអរគុណដល់ក្រុមហ៊ុន 2MBET ដែល បានឧបត្ថម្ភជាឯកសណ្ឋាន ដល់ក្រុម (AC KSM ឬ ឥន្ទ្រីក្រហម) ដែលកំពុងតែខ្វះខាតក្នុងការបង្កើតឈុតថ្មី ហើយសូមជូនពរដល់ក្រុមហ៊ុនឲ្យទទួលបានភាពជោគជ័យ និងទទួលបានការគាំទ្រកាន់តែច្រើនបន្ថែមតទៅមុខទៀត”៕