Dortmund ចាយអស់តែ ២០ លានអឺរ៉ូ ហើយលក់ Erling Haaland ចេញទៅវិញបាន ៦០ លានអឺរ៉ូ ក្រោយអភិវឌ្ឍជើងត្រឹមរយៈពេល ២ ឆ្នាំជាមួយក្លឹប។ ឥឡូវបន្ទាប់ការចាកចេញរបស់កីឡាករន័រវេស ក៏ស្រាប់តែក្លឹបអាល្លឺម៉ង់ ប្រញាប់ប្រកាសការយកបានយុវជនថ្មីភ្លែត ហើយគ្រប់គ្នាក៏កំពុងមានការជឿជាក់ ថាប្រហែលជា Dortmund រកឃើញផ្លូវចំណេញទៀតហើយ។
ចាយពាក់កណ្តាលនៃតម្លៃខ្លួន Haaland ដែល Dortmund បានជះទៅឲ្យក្លឹប RB Salzburg ជុំវិញការនាំយកយុវជន Karim Adeyemi ចាប់ពីរដូវក្តៅខាងមុខតទៅ។ លសុពលភាពកុងត្រាដល់ចុងខែមិថុនា ឆ្នាំ ២០២៧ សម្រាប់កីឡាករសញ្ជាតិអាល្លឺម៉ង់ នឹងកំណត់លេងតំណែងប្រយុទ្ធ ជា Role ហ្សីនរបស់ Haaland នៅតំបន់ជួរមុខ។ ស្ថិតិរដូវកាលនេះ គេធ្វើបានល្អ ដោយ ៤២ ប្រកួត អាចរកបានដល់ទៅ ២៣ គ្រាប់និង Assist ៨ លើកឯណោះ។
ជុំវិញការផ្ទេរចូល នាយកផ្នែកកីឡារបស់ Dortmund លោក Michael Zorc បញ្ជាក់៖ “Karim Adeyemi គឺជាយុវជនពោរពេញដោយទេពកោសល្យមួយ ដែលអាចមកបន្ថែមភាពរឹងមាំដល់តំបន់ជួរមុខរបស់យើង ហើយនេះជាការយកបានដ៏ល្អមួយសម្រាប់ BVB ព្រោះគេមានបេះដូងស្រលាញ់ក្លឹបយើងតាំងពីដើមមក រួចក៏បានបដិសេធសំណើក្លឹបនៅអឺរ៉ុបជាច្រើន ដើម្បីតែបានមកចូលរួមនៅ Dormtund”៕
ប្រភព៖ Marca