បន្ទាប់មានដំណឹងនៃការព្រមព្រៀងរវាងភាគីក្លឹប Man City និង Borussia Dortmund ជុំវិញការចុះហត្ថលេខានាំយក Erling Haaland ឥឡូវក៏យើងទទួលបានព័ត៌មានថ្មីមួយផ្សេងទៀតភ្លាមៗ ថាភាគីក្លឹបអាណាព្យាបាលនៅឯអាល្លឺម៉ង់ ក៏បានសម្លឹងឃើញកីឡាករត្រៀមមកជំនួស នាពេលខាងមុខរួចហើយដែរ។
នោះគឺ ចង់បានយុវជនរបស់ក្លឹប RB Salzburg ជាខ្សែប្រយុទ្ធ Karim-David Adeyemi ដែលគេជាប់កុងត្រាដល់ចុងខែមិថុនា ឆ្នាំ ២០២៤ ហើយតាមហាងឆេងតម្លៃខ្លួន គឺថ្លៃល្បាក់ ៣៨ លានអឺរ៉ូ។ ទំហំនេះ គឺថ្លៃពាក់កណ្តាលនៃតម្លៃខ្លួន Haaland ដែល Dortmund ទទួលបានពីភាគីក្លឹបអង់គ្លេស Man City។
ស្ថិតិរដូវកាល ២០២១/២២ សម្រាប់កីឡាករវ័យ ២០ ឆ្នាំ លេងតំណែងប្រយុទ្ធកណ្តាល គេបង្ហាញខ្លួន ៤២ ប្រកួត រកបាន ២៣ គ្រាប់និង Assist ៨ លើក។ បើតាមរបាយការណ៍ពី Fabrizio Romano ចុះផ្សាយថា ភាគីក្លឹប Dortmund និង Salzburg ក៏បានចរចាត្រូវរ៉ូវហើយដែរ ដោយរង់ចាំតែថ្ងៃប្រកាសប៉ុណ្ណោះ៕
ប្រភព៖ BeSoccer