ក្រុមជម្រើសជាតិព័រទុយហ្គាល់ ធ្វើបានយ៉ាងល្អ ដោយយកឈ្នះក្រុមប៉ូឡូញក្នុងលទ្ធផល ៣-២ នាពានរង្វាន់ UEFA Nations League ស្របពេលដែលអាហ្សង់ទីនវិញ បានយកឈ្នះក្រុមអឺរ៉ាក់ក្នុងលទ្ធផល ៤-០ នាប្រកួតមិត្តភាព។
គេសង្កេតឃើញថាក្រុមជម្រើសជាតិទាំងពីរខាងលើ ហាក់ដូចជាមានទម្រង់លេងល្អឡើងវិញ ដោយមិនទាន់ស្គាល់ចាញ់ដូចគ្នា អំឡុងពេលអវត្តមានកីឡាករឆ្នើមរបស់ខ្លួន។ Ronaldo មិនចូលលេងឱ្យជម្រើសជាតិព័រទុយហ្គាល់ រហូតដល់ចប់ឆ្នាំ២០១៨នេះ ដូចទៅនឹង Messi
បញ្ជាក់ថាខ្លួនមិនលេងឱ្យជម្រើសជាតិអាហ្សង់ទីនដល់ដាច់ឆ្នាំដូចគ្នា។ ឆ្លងកាត់៣ប្រកួតដែលអវត្តមានកីឡាករ២នាក់នេះ ក្រុមជម្រើសជាតិរបស់ពួកគេ លេងបាន៣ប្រកួតមកហើយ ក្នុងលទ្ធផលបានលទ្ធផល ឈ្នះ២ ស្មើ១ដូចគ្នា។
សម្រាប់ប្រកួតបន្ទាប់វិញ ក្រុមអាហ្សង់ទីន នឹងត្រូវធ្វើការធ្ងន់ ដោយប៉ះជាមួយក្រុមខ្លាំងប្រេស៊ីល ស្របពេលដែលក្រុមព័រទុយហ្គាល់វិញ លេងទល់ក្រុមស្កុតឡែន។ ដូច្នេះចាំមើលប្រកួតបន្ទាប់នេះ ថាតើពួកគេនៅតែអាចធ្វើបានល្អទៀតឬយ៉ាងណា?ប្រភពDailyMail