ក្លឹបអង់គ្លេស Tottenham Hotspur បានបញ្ជូនក្រុមឃ្លាំមើលកីឡាករ ទៅទស្សនានិងវាយតម្លៃការលេងរបស់កីឡាករនៃក្លឹប Villarreal ២ រូប សម្រាប់ការប្រកួតជើងទី ១ នៅឯកីឡដ្ឋាន Anfield ថ្ងៃមុន ហើយឥឡូវកំពុងស្ថិតក្នុងដំណាក់កាលពិចារណា មុនសម្រេចការដាក់សំណើចរចាចុងក្រោយ។
អ្នកទាំងពីរនោះ គឺស្ថិតនៅជម្រើស ១១ នាក់ដំបូងរបស់ក្រុមដឹកនាំដោយលោក Unai Emery ផ្ទាល់តែម្តង ដោយរួមមាន Pau Torres និង Arnaut Danjuma។ ក្លឹប Spurs មានការជឿជាក់ខ្លាំង ថាប្រសិនពួកគេអាចប្រជែងយកបានកៅអី Top 4 នៅ PL នោះប្រាកដជាសង្ឃឹមខ្ពស់ក្នុងការនាំយកអ្នកទាំងពីរបានជាក់ជាមិនខាន ព្រោះកីឡាករឈរលើគោលដៅធំ ចង់ទទួលបានឱកាសប្រកួតប្រជែងបន្តទៀតនៅ UCL។ នេះបើតាមសារព័ត៌មាន 90Min បានចុះផ្សាយ។
ងាកទៅចំណាត់ថ្នាក់របស់ Villarreal រាងពិបាកបន្តិច ព្រោះឈរលេខ ៧ ចាញ់គម្លាត ៩ ពិន្ទុធៀបនឹង Atletico Madrid នៅចំណាត់ថ្នាក់ Top 4 ហើយសង្ឃឹមទាបណាស់ នឹងបានលេង UCL ជាថ្មីនៅរដូវកាលក្រោយ។ គួរឲ្យដឹងថា តាមហាងឆេងតម្លៃខ្លួនអ្នកទាំងពីរ គឺខ្សែការពារ Torres និងខ្សែប្រយុទ្ធ Danjuma បូកបញ្ចូលគ្នា អាចថ្លៃល្បាក់ ១០០ លានអឺរ៉ូ។ តែយ៉ាងណាត្រូវដឹងក៏មានក្លឹបធំៗឯទៀតដូចជា Man Utd និង Chelsea បានចាប់អារម្មណ៍ទៅលើពួកគេផងដែរ៕
ប្រភព៖ 90min