ក្លឹបដឹកនាំដោយអ្នកចាត់ការលោក Carlo Ancelotti បានកំណត់ត្រូវទៅជួប Liverpool សម្រាប់វគ្គផ្តាច់ព្រ័ត្រ UEFA Champions League បន្ទាប់ពីបង្កើតអាភិនិហា អាចយកឈ្នះទៅលើក្លឹបមេឃខៀវ Manchester City កាលពីវគ្គពាក់កណ្ដាលផ្ដាច់ព្រ័ត្រយប់មិញ។ នេះជាចការប៉ះគ្នាជាថ្មី បន្ទាប់ក្រុមទាំងពីរធ្លាប់បានជួបគ្នា កាលពីរដូវកាល ២០១៧/១៨ គ្រា Real យកឈ្នះ ៣-១ ទៅលើ Liverpool នៅវគ្គផ្ដាច់ព្រ័ត្រ។
និយាយក្រោយចប់ ១២០ នាទីលើទីលាន នៅទីក្រុង Madrid យប់មិញ អ្នកចាត់ការសញ្ជាតិអ៊ីតាលី លើកឡើងថា៖ “ខ្ញុំពិតជារីករាយនឹងការមកដល់វគ្គផ្ដាច់ព្រ័ត្រ ទល់ក្រុមខ្លាំង Liverpool ដោយខ្ញុំធ្លាប់លេងតតាំងពួកគេ ទាំងកាលនៅជាកីឡាករ ទាំងជាអ្នកចាត់ការ ដោយជួបហង្ស នៅឆ្នាំ ២០០៥, ២០០៧ ហើយខ្ញុំក៏ធ្លាប់នៅទីនោះពីរឆ្នាំដែរ [និយាយអំពីការដឹកនាំ Everton] ដូច្នេះសារនេះ វាដូចតែជំនួប Derby មួយអ៊ីចឹង ព្រោះខ្ញុំនៅតែបន្តជាអ្នកគាំទ្ររបស់ក្លឹប Everton”។
គួររំឭកថា បុរសវ័យ ៦២ ឆ្នាំ ធ្លាប់ដឹកនាំក្លឹប Everton ចន្លោះចុងឆ្នាំ ២០១៩ ដល់ពាក់កណ្តាលឆ្នាំ ២០២១។ សរុបពេលវេលាមួយអាជីពជាអ្នកចាត់ការ ធ្លាប់ដឹកនាំក្រុមតតាំងហង្ស ១៦ ប្រកួត ឈ្នះ ៩ ស្មើ ៣ និងចាញ់ ៥ លើក។ អ៊ីចឹងចាំមើលការប៉ះ Liverpool ជាថ្មីសារនេះ តើលទ្ធផលនឹងទៅជាបែបណាដែរ?
ប្រភព៖ BeSoccer