ក្លឹបអធិរាជស Real Madrid ត្រូវបានគេរាយការណ៍ថា បានឈានដល់កិច្ចព្រមព្រៀងរវាងភាគីកីឡាករ Antonio Rudiger របស់ក្លឹបតោខៀវ Chelsea ហើយ ខណៈកីឡាករអាល្លឺម៉ង់ នឹងប្រកាសក្លាយជាសមាជិករបស់ក្លឹបនៅអេស្ប៉ាញ ចាប់ពីថ្ងៃទី ១ កក្កដា ឆ្នាំ ២០២២ ខាងមុខតទៅ។
ករណីកីឡាករអាល្លឺម៉ង់ គេបានផុតកុងត្រា ហើយកំណត់ក្លាយជាកីឡាករឥតតម្លៃខ្លួន នៅក្រោយថ្ងៃទី ៣០ មិថុនា។ ការផ្ទេរទៅក្លឹប Real Madrid សារនេះ គេជឿថា Rudiger នឹងរកបានប្រាក់ពលកម្មយ៉ាងច្រើនសន្ធឹក ខ្ពស់ជាងខ្ទង់ ៣០ ដ្បិតបើក្លឹប Chelsea ព្រមផ្តល់ឲ្យសំណើកុងត្រាថ្មី លុយច្រើនជាង ២០០ ០០០ ផោន/សប្តាហ៍ក៏ដោយ។ នេះបើតាមសារព័ត៌មាន AS បានចុះផ្សាយ។
ក្រៅតែពី Rudiger គេនៅចាំអុតមើលករណីរបស់ Kylian Mbappe មួយផ្សេងទៀត ដែលជាគោលដៅធំបំផុតរបស់ក្លឹបស្តេចស Madrid សម្រាប់ការត្រៀមយុទ្ធនាការរដូវកាលថ្មី ២០២២/២៣។ គួររំឭកឲ្យដឹង ខ្សែការពារវ័យ ២៩ ឆ្នាំ រដូវកាល ២០២១/២២ គេបង្ហាញខ្លួនសកម្មដល់ទៅ ៤៩ ប្រកួត រកបាន ៥ គ្រាប់និង Assist ៤ លើកឲ្យក្រុមដឹកនាំ ដោយលោក Thomas Tuchel៕
ប្រភព៖ BeSoccer