ក្លឹប Real Madrid បានក្លាយជាម្ចាស់ពានរង្វាន់ La Liga លើកទី ៣៥ ជាផ្លូវការ បន្ទាប់ការយកឈ្នះទៅលើក្លឹប Espanyol ក្រោមលទ្ធផល ៤-០ កាលពីយប់មិញ។ ជ័យជម្នះនេះ កើតឡើងមុនការប្រកួតនៅសេសសល់ ៤ ជុំ ខណៈជំនួបបន្ទាប់ កំណត់ត្រូវប៉ះ Atletico Madrid នៅឯកីឡដ្ឋាន Wanda។
តែយ៉ាងណាក្លឹប Atletico Madrid ដែលតាមរបៀបរបបត្រូវធ្វើជារនាំងកិត្តិយស ឈរអបអរ Real Madrid ជាក្រុមលើកពាន នៅប្រកួតបន្ទាប់ ពួកគេបានបដិសេធ មិនព្រមរៀបចំកម្មវិធីអបអរដល់ក្លឹបអធិរាជសនោះទេ។ នេះបើតាមសារព័ត៌មាន Cadena SER ពានចុះផ្សាយ។ ចំពោះមូលហេតុបែបណា ប្រភពមិនបានបញ្ជាក់ច្បាស់ការនៅឡើយ ខណៈពេលវេលាប្រកួត នឹងត្រូវលេងនៅម៉ោង ០២:០០ នាទីទាបភ្លឺ ឈានចូលថ្ងៃទី ៩ ឧសភា មានផ្សាយផ្ទាល់លើទំព័រ CTS Sports។
នេះវាមិនខុសកាលពីជំនាន់រដូវកាល ២០១៧/១៨ ក៏ធ្លាប់កើតមានរឿងរ៉ាវស្រដៀងគ្នាកើតឡើង ពេលក្លឹប Barcelona ក្លាយជាម្ចាស់ពាន La Liga លុះតែដល់ប្រកួតបន្ទាប់ត្រូវប៉ះ Real Madrid ក្រោមការដឹកនាំរបស់លោក Zinedine Zidane ក៏ស្តេចស បដិសេធមិនធ្វើរនាំងកិត្តិយសអ៊ីចឹងដែរ ដល់តែឥឡូវមកជាន់លើខ្លួនឯង។ តែសារនោះ ក្លឹប Real Madrid ហាក់ខឹងនឹង Barca ព្រោះពេលពួកគេឈ្នះ Club World Cup ក៏អ្នកមានបុណ្យលេងក្បាច់តែមួយដូចគ្នា៕
ប្រភព៖ Cadena SER