ក្លឹបអធិរាជស Real Madrid បានយកឈ្នះទៅលើក្លឹប Espanyol នៅលទ្ធផល ៤-០ ដែលបីពិន្ទុទទួលបាន ល្មមរុញឲ្យក្លឹបអាចក្លាយជាម្ចាស់ពាន La Liga លើកទី ៣៥ ដ្បិតបើចំនួនប្រកួតនៅសេសសល់ ៤ ជុំទៀតក្តី។ មានប្រិយមិត្តចោទសួរមកកាន់ទំព័រ CTS Sports ដោយចង់ដឹង ថាតើក្លឹបខាងលើ អាចទទួលបានប្រាក់រង្វាន់ប៉ុន្មានពីការលើកពាន?
តាមការស្រាវជ្រាវផ្អែកតាមទិន្នន័យពី Marca និង AS ចុះផ្សាយថា សរុបប្រាក់រង្វាន់ដែលក្លឹបដឹកនាំដោយប្រធានលោក Florentino Perez ទទួលបាន គឺ ៨០ លានដុល្លារអាមេរិកឯណោះ។ វាបែងចែកជា ២ ផ្នែកធំៗ ដោយ ១៤ លានដុល្លារ បានពីចំណាត់ថ្នាក់ដែលឈរលេខ ១ មានឈ្មោះទៅលេងនៅ Champions League នេះច្រើនជាងក្រុមលេខ ២ ទទួលបានតែ ១០ លានដុល្លារប៉ុណ្ណោះ។
សេសសល់ប៉ុន្មាន គឺប្រាក់រង្វាន់ដែលគេបែងចែកភាគលាភពីការលក់សិទ្ធផ្សព្វផ្សាយទៅឲ្យប៉ុស្តិ៍ទូរទស្សន៍ ប្រចាំក្លឹបនៃក្របខ័ណ្ឌ La Liga ទាំងមូល។ ប្រាក់ដែលទទួលបានល្បាក់ពាន់លានដុល្លារ ត្រូវបែងចែក ៦៦ លានដុល្លារមកឲ្យក្លឹបឈ្នះជើងឯក Real Madrid រួចសេសសល់ប៉ុន្មានឲ្យទៅក្លឹបនៅក្នុងតារាងផ្សេងទៀត៕
ប្រភព៖ បរទេស