• ប្រធាន​សហព័ន្ធ​បារាំង ​ប្រាប់​ថា​ពេល​វេលា Benzema ​នៅ​ជម្រើស​ជាតិ​អស់​ហើយ

    លោក Noel Le Graet ​ប្រធាន​សហព័ន្ធ​កីឡា​បាល់ទាត់​បារាំង ​បាន​បញ្ជាក់​ថា​អនាគត​របស់​ខ្សែ​ប្រយុទ្ធ Karim Benzema ​នៅ​ក្រុម​ជម្រើស​ជាតិ​គឺ​ដល់​ពេល​បញ្ចប់​ហើយ។

    រយៈ​ពេល​ច្រើន​ឆ្នាំ​ហើយ ​ដែល​បារាំង​មិន​បាន​កោះ​ហៅ Benzema ​ចូល​ជម្រើស​ជាតិ ​ក្រោយ​ពី​មាន​បញ្ហា​រឿង​ផ្លូវ​ភេទ​មក។ ខណៈ​ដែល​ពេល​នេះ ​ប្រធាន​សហព័ន្ធ​ប្រទេស​បារាំង ​ក៏​បាន​ចេញ​មុខ​មក​បញ្ជាក់​ប្រាប់​អ្នក​កាសែត​ឱ្យ​ច្បាស់​តែ​ម្ដង ​កុំ​ឱ្យ​មាន​ការ​សង្ស័យ​អ្វី​ទៀត។

    លោក និយាយ​ដូច្នេះ​ថា​៖ “ខ្ញុំ​ជឿ​ជាក់​ថា​ពេល​វេលា​របស់​គាត់​ជាមួយ​ជម្រើស​ជាតិ​បារាំង​ចប់​ហើយ។ ចប់​តាំង​ពី​គាត់​លេង​មិន​បាន​ល្អ​ប៉ុន្មាន​ឆ្នាំ​មុន​មក​ម្ល៉េះ។ វា​មាន​រយៈ​ពេល​៣​ទៅ​៤​ឆ្នាំ​មក​ហើយ ដែល​យើង​សម្រេច​ចិត្ត។ រឿង​ដែល​គាត់​បង្ក ​ទាក់ទង​ទៅ​នឹង​បញ្ហា​ផ្លូវ​ភេទ​នោះ គឺ​ធ្វើ​ឱ្យ​យើង​ពិបាក​ក្នុង​ការ​ទទួល​យក​ណាស់”៕ប្រភពDailyMail

     

    ភ្ជាប់ទំនាក់ទំនងជាមួយ CTS SPORT