ក្លឹប Bayern Munich ដឹកនាំដោយអ្នកចាត់ការលោក Julian Nagelsmann បានសម្លឹងឃើញគោលដៅតែមួយ ជាកីឡាករដែលលោក Erik ten Hag អ្នកចាត់ការថ្មី នៃក្លឹប Man Utd កំពុងបាក់ចិត្តចង់នាំចូល នៅទីផ្សារដោះដូររដូវក្តៅខាងមុខ។ នោះគឺ Frenkie de Jong ជាខ្សែបម្រើឆ្នើមរបស់ក្លឹប FC Barcelona។
បើតាមសារព័ត៌មាន Marca ចុះផ្សាយថា អតីតសមាជិក Ajax ទទួលបានការចាប់អារម្មណ៍ខ្លាំងពីក្លឹបអាល្លឺម៉ង់ Bayern Munich ខណៈដែលសុពលភាពកុងត្រារបស់កីឡាករនឹងត្រូវផុតនៅចុងខែមិថុនា ឆ្នាំ ២០២៦ ឯណោះ។ ដ្បិតបើហាងឆេងតម្លៃខ្លួនខ្ពស់ អាចដល់ល្បាក់ ៧០ លានអឺរ៉ូ ក៏ក្រុមជើងឯកនៅ Bundesliga មិនញញើតនឹងចរចានោះដែរ។
យ៉ាងណាគេមិនច្បាស់ថា ក្លឹបដឹកនាំដោយលោក Xavi Hernandez ឯណោះ នឹងគិតគូរបែបណា ដូចគ្នាទៅនឹងការសម្រេចចិត្តរបស់កីឡាករ ជួនពេលដែលគ្រូរួមសញ្ជាតិ Ten Hag ក៏កំពុងពេញចិត្ត។ ស្ថិតរដូវកាល ២០២១/២២ ខ្សែបម្រើវ័យ ២៤ ឆ្នាំ បង្ហាញខ្លួន ៤៣ ប្រកួត រកបាន ៤ គ្រាប់និង Assist ៣ លើក៕
ប្រភព៖ Marca