ខ្សែបម្រើ Fabregas បានបញ្ជាក់ថាក្រុមតោខៀវ Chelsea នឹងកាន់តែខ្លាំងជាងនេះទៅទៀត ប្រសិនបើលោក Sarri មកដឹកនាំក្រុមឱ្យលឿនជាងនេះបន្តិច។
Fabregas មិនទាន់បានជាប់ជម្រើស១១នាក់ដំបូងលេងនៅពានរង្វាន់ English Premier League ទេ ប៉ុន្តែនៅ Europa League វិញ រូបគេបានចូលលេង និងជួយក្រុមបានច្រើន។ នៅក្រោមការដឹកនាំរបស់លោក Sarri នេះ អតីតកីឡាករ Arsenal រូបនេះ មានទំនុកចិត្តខ្លាំង និងជឿជាក់ថាអាចស្វែងរកលទ្ធផលល្អបាន។
“ខ្ញុំទើបតែបានចូលហ្វឹកហាត់បាន២សប្ដាហ៍ជាមួយក្រុម ក្រោយពីអវត្តមានច្រើនខែមកនេះ។ ខ្ញុំមានអារម្មណ៍ល្អ ក្រោមការដឹកនាំលោក Sarri ហើយខ្ញុំមិននឹកស្មានថាមានអារម្មណ៍ល្អយ៉ាងនេះម្ដងទៀតសោះ។ គ្រប់គ្រង់បាល់ឱ្យបានច្រើន ប៉ះបាល់ឱ្យបានច្បាស់ នេះជាបច្ចេកមួយដើម្បីឱ្យយើងមានទំនុកចិត្តក្នុងការលេង”។ សម្ដីរបស់ខ្សែបម្រើវ័យ៣១ឆ្នាំ៕ប្រភព៖ dailymail
