Roberto Firmino, Mohamed Salah និង Sadio Mane ជាខ្សែប្រយុទ្ធដែលធ្វើឱ្យលោកPep Guardiola មានក្ដីបារម្ភច្រើនពេលលេងជាមួយម្ដងៗ តាំងពីរដូវកាលមុនមកម្ល៉េះ។
រឿងនេះ គឺចេញពីមាត់របស់លោក Pep ផ្ទាល់តែម្ដង ដោយលោកបាននិយាយកាលពីដើមរដូវកាលកន្លងមកនេះ។ អ្នកចាត់ការល្បីឈ្មោះខាងលើ បានបញ្ជាក់ថាខ្សែប្រយុទ្ធទាំង៣របស់ Liverpool ពិតជាគ្រោះថ្នាក់សម្រាប់ក្រុមទាំងអស់នៅអង់គ្លេស។ ពួកគេលេងបានយ៉ាងល្អ និងចង្វាក់ប្រយុទ្ធពិតជាលឿន។ នៅអង់គ្លេស មានតែពួកគេ៣នាក់នេះហើយ ដែលអាចជាបន្លាក្នុងភ្នែករបស់អ្នកចាត់ការគ្រប់គ្នា។
ដោយឡែកនៅថ្ងៃស្អែកនេះ លោក Pep នឹងដឹកនាំក្រុម Manchester City តតាំងជាមួយក្រុម Liverpool ហើយ។ នេះជាជំនួបកាត់សេចក្ដីក្រុមកំពូលតារាងនៅអង់គ្លេស ដោយសារតែពួកគេទាំងពីរក្រុមនេះ កំពុងឈរនៅលេខរៀងទី១និងទី២ជាស្រេច៕ប្រភព៖ dailymail
