Lionel Messi កំពុងធ្វើព្យុះធ្វើភ្លៀងខ្លាំងមែនទែន នៅពានរង្វាន់ UEFA Champions League នៅរដូវកាលនេះ ក្រោយពីរកបាន៥គ្រាប់ ឆ្លងកាត់២ប្រកួត។
ទន្ទឹមគ្នានេះដែរ Messi បានហៅពានរង្វាន់ Champions League នេះថាជាបង្អែមមួយ ប្រើប្រៀបធៀបជាមួយពានរង្វាន់ La Liga និង Cup របស់អេស្ប៉ាញ។ ការបញ្ជាក់នេះ គឺចង់មានន័យថា ក្លឹប Barcelona គិតគូខ្លាំងចំពោះលីគរបស់ខ្លួននៅអេស្ប៉ាញ ប៉ុន្តែការចង់បានពាន UCL ក៏នៅតែមានដែល ដើម្បីផ្គាប់ចិត្តអ្នកគាំទ្រ និងបង្ហាញថាក្រុមអ្នកមានបុណ្យអាចយកពានរង្វាន់បានទាំងអស់។
នេះជាសម្ដីផ្ទាល់របស់កំពូលកីឡាករអាហ្សង់ទីនខាងលើ៖ “Champions League ជាបង្អែមសម្រាប់អ្នកគ្រប់គ្នា ប៉ុន្តែដើម្បីបានវាអ្នកត្រូវតែធ្វើឱ្យបានល្អទាំង League និង Cup ។ អ្នកត្រូវធ្វើឱ្យបានល្អបំផុតនៅលីគ ដើម្បីឱ្យមានឱកាសលេងនៅ Champions League ។ យើងមិនអាចចោល១ណាបានទេ”៕ប្រភពDailyMail
