Wayne Rooney អតីតកីឡាករក្រុម Manchester United បាននិយាយថាខ្សែបម្រើ Paul Pogba គួរតែចេញពីក្រុមបិសាចក្រហមទៅ នារដូវកាលដោះដូរកីឡាករខាងមុខ។
Pogba ចូលរួមជាមួយក្រុម Man Utd តាំងពីឆ្នាំ២០១៦មក ជាមួយតម្លៃខ្លួនខ្ពស់មែនទែន។ តែវត្ដមានរបស់គេហាក់មិនគាប់ប្រសើរឡើយនៅទឹកដី Old Trafford នេះ។ ជាក់ស្ដែងប៉ុន្មានឆ្នាំមកហើយ ដែលក្រុមបិសាចក្រហមមិនបានឈ្នះពានរង្វាន់អ្វីមួយសោះ ហើយនៅពេលនេះរូបគេក៏ទំនងជានឹងចាកចេញទៀតដែរ ព្រោះមិនព្រមបន្ដកុងត្រាថ្មី។
ទាក់ទងជាមួយរឿងខាងលើនេះដែរ Rooney បានប្រាប់ទៅ Skysport ថា៖ “ខ្ញុំគិតថាវាជាចំណុចមួយដែលគាត់គួរតែពិចារណាចាកចេញហើយ។ ខ្ញុំបានមើលគាត់លេងឱ្យជម្រើសជាតិបារាំង ហើយវាពិតជាខុសគ្នាឆ្ងាយចំពោះការលេងឱ្យ Man Utd ទាំងសមត្ថភាព ការតាំងចិត្ត និងអារម្មណ៍របស់គាត់។ ខ្ញុំគិតថាគាត់គួរចាកចេញហើយ”៕ប្រភព៖ GOAL
