• អាជ្ញាកណ្ដាល​កាត់​ក្ដី UCL ​ផ្ដាច់​ព្រ័ត្រ ​ជា​អ្នក​ធ្លាប់​ធ្វើ​ឱ្យ Ronaldo ​ឈឺ​ចាប់

    លោក  Milorad Mazic ​នឹង​ក្លាយ​ជា​អ្នក​​កាត់​ក្ដី​ក្នុង​ការ​ប្រកួត​ផ្ដាច់ព្រ័ត្រ  UCL ​រវាង​ក្រុម Real Madrid ​និង Liverpool ​នៅ​ថ្ងៃ​ទី​២៦​ខែ​ឧសភា​ឆ្នាំ​២០១៨​នេះ។

    នៅ​ចាំ​បាន​ថា​ Mazic ​ធ្លាប់​កាត់​ក្ដី​ក្នុង​ប្រកួត​សំខាន់​ៗ​ជា​ច្រើន ​ហើយ​បុរស​ម្នាក់​នេះ​ក៏​ជា​អ្នក​កាត់​ក្ដី​ធ្វើ​ឱ្យ​ព័រទុយហ្គាល់​ចាញ់​ក្រុម​អាល្លឺម៉ង់ ៤-០ ​នៅ World Cup 2014 ​ដែរ។ ​នៅ​គ្រា​នោះ គេ​ចាំ​បាន​ថា​លោក Mazic ​បាន​ផ្ដល់​កាត​ក្រហម​ឱ្យ Pepe ​ហើយ​ធ្វើ​ឱ្យ​ Ronaldo ​ខឹង​យ៉ាង​ខ្លាំង​សម្រាប់​ការ​កាត់​ក្ដី​នេះ។

    មិន​ត្រឹម​តែ​ប៉ុណ្ណោះ ​លោក​ក៏​ធ្លាប់​កាត់​ក្ដី​ក្នុង​ការ​ប្រកួត Real Madrid ​ផង​ដែរ ​នៅ​ពាន​រង្វាន់ UEFA Super Cup ។ ​ពេល​នោះ Real Madrid ​ជា​អ្នក​ឈ្នះ​លើ​ក្រុម Sevilla ​ក្នុង​លទ្ធផល ៣-២។ ​បុរស​វ័យ​៤៥​ឆ្នាំ​ខាង​លើ​នេះ ​ក៏​ធ្លាប់​កាត់​ក្ដី​ការ​ប្រកួត​របស់​ក្រុម Liverpool ​ដូច​គ្នា ​ដោយ​ឆ្នាំ​២០១៦ ​លេង​ទល់​ក្រុម Manchester United ។

    គេ​អាច​និយាយ​បាន​ថា ​អាជ្ញាកណ្ដាល​ជនជាតិ​សែប​រូប​នេះ ​កាត​បន្តិច​ដែរ ​ពោល​គឺ​ការ​កាត់​ក្ដី​នៅ UEFA Champions League ​៥​ដង​នៅ​រដូវ​កាល​នេះ ​លោក​ចាយ​កាត​អស់​១៨​កាត​លឿង​ឯ​ណោះ៕

     

     

    ភ្ជាប់ទំនាក់ទំនងជាមួយ CTS SPORT