ពេលចុងក្រោយយើងលឺដំណឹងថា ក្លឹបបិសាចក្រហម Manchester United ហាក់ចាប់អារម្មណ៍ចង់បានខ្សែការពារថ្មី ចេញពីក្លឹប Barcelona គឺកីឡាករ Ronald Araujo។ ខាងក្លឹបអង់គ្លេស បានត្រៀមខ្លួនរួចរាល់ ដោយចង់សម្រេចការចរចាត្រឹមទីផ្សារដោះដូររដូវក្តៅខាងមុខ ហើយឥឡូវខាងភាគីក្លឹបអាណាព្យាបាលក៏បានដាក់តម្លៃមកហើយ។
បើតាមសារព័ត៌មាន El Nacional ចុះផ្សាយថា ខ្សែការពារខាងលើ នឹងត្រូវបានអនុញ្ញាតឲ្យចាកចេញពីទឹកដី Camp Nou ប្រសិនណាក្លឹបចង់បានអាចផ្តល់ឲ្យនូវតម្លៃផ្ទេរចេញ ប្រមាណ ៤០ លានអឺរ៉ូ ឬជាង ៤៤ លានដុល្លារ។ នេះស្របពេលដែលសុពលភាពកុងត្រារបស់កីឡាករសញ្ជាតិអ៊ុយរុយហ្គាយ ត្រូវផុតនៅចុងខែមិថុនា ឆ្នាំ ២០២៣។
បញ្ជាក់ថា ក្រោមការដឹកនាំរបស់លោក Xavi Hernandez វត្តមានខ្សែការពារកណ្តាលរូបនេះ គឺនៅតែសំខាន់ ដោយបង្ហាញខ្លួនសរុប ៣៣ ប្រកួត រកបាន ៤ គ្រាប់នៅរដូវកាល ២០២១/២២។ យ៉ាងណាដោយសារកីឡាករមិនព្រមការបន្តកុងត្រាថ្មី ដូច្នេះក្លឹបក៏សម្រេចបើកផ្លូវឲ្យគេចេញ ជាជាងរក្សាទុកដល់អស់តម្លៃខ្លួននៅឆ្នាំបន្ទាប់។ ឥឡូវយើងចាំមើល ថាតើក្លឹប Man Utd នឹងព្រមនៅតម្លៃខាងលើដែរឬទេ?
ប្រភព៖ El Nacional