ក្លឹប AC Milan ត្រូវបានគេរាយការណ៍ថា កំពុងកៀកជិតនឹងការសម្រេចនាំយកសមាជិកក្លឹបហង្សក្រហម Liverpool បន្ទាប់ពីគេកំណត់ត្រៀមក្លាយជាកីឡាករឥតតម្លៃខ្លួន នៅទីផ្សារដោះដូររដូវក្តៅខាងមុខ។
នោះគឺ Divock Origi ដែលបុរសវ័យ ២៦ ឆ្នាំ បានស្ថិតក្រៅជម្រើសរបស់លោក Jurgen Klopp នៅពេលចុងក្រោយ។ តាមពិតទៅ ទាំង AC Milan និង Inter Milan ដែលបានពេញចិត្តមកលើគុណភាពកីឡាករបែលហ្សិក ក៏ប៉ុន្តែចុងក្រោយ ក្លឹបដឹកនាំដោយលោក Stefano Pioli បានក្លាយជាអ្នកឈ្នះ ជុំវិញការប្រជែងយក។ នេះបើតាមសារព័ត៌មាន Daily Mail បានចុះផ្សាយ។
គួរបញ្ជាក់ថា Origi ក៏ត្រូវបានលោក Jurgen Klopp បង្ហើបច្បាស់ដែរ ថាអនាគតរបស់គេ អាចនឹងត្រូវបែកនៅពេលខាងមុខ ពោលការបន្តកុងត្រាថ្មី គឺមានភាគរយទាបបំផុតដែលនឹងអាចកើតឡើងទៅបាន។ ទៅមើលស្ថិតិរបស់គេ ចាប់តាំងការផ្ទេរចេញពីក្លឹប Lille នៅឆ្នាំ ២០១៤ សរុបបង្ហាញខ្លួន ១៧១ ប្រកួត រកបាន ៤០ គ្រាប់និង Assist ១៧ លើក៕
ប្រភព៖ Daily Mail