ក្លឹបអ្នកមានបុណ្យ Barcelona ត្រូវបានគេរាយការណ៍ថា កំពុងរៀបចំក្នុងការចរចាកាត់បន្ថយថ្លៃពលកម្មកីឡាករក្នុងបន្ទុក ៣ រូបមាន Jordi Alba, Sergio Busquets និង Gerard Pique លើគោលដៅ ដើម្បីសម្រួលដល់ការនាំចូលអ្នកថ្មី មិនឲ្យល្មើសច្បាប់ហិរញ្ញវត្ថុ FFP។
ប្រព័ន្ធកីឡាកររបស់អ្នកមានបុណ្យ បន្ទាប់ពីដកចេញ Lionel Messi ក៏ពួកគេនៅតែប្រឈមខ្ពស់ផងដែរ នៅការល្មើសច្បាប់ហិរញ្ញវត្ថុ ប្រសិនបន្ថែមការនាំយកកីឡាករកំពូលដូចជា Erling Haaland ឬ Robert Lewandowski ដែលស្ថិតក្នុងរ៉ាដាចង់បាននាពេលចុងក្រោយ។
បើតាមសារព័ត៌មាន Marca ចុះផ្សាយថា មធ្យោបាយរបស់ក្លឹប គឺមានតែផ្លូវហ្នឹងមួយប៉ុណ្ណោះ នោះគឺកាត់បន្ថយថ្លៃពលកម្មកីឡាករដែលស៊ីថ្លៃស្រាប់ក្នុងក្លឹប តួយ៉ាងគឺ Busquets, Pique និង Alba ជាដើម។ មិនច្បាស់ថាក្លឹបនឹងចរចាកាត់ប៉ុន្មានភាគរយទេ តែបើទៅមើលសុពលភាពកុងត្រាសេសសល់ គឺខ្សែបម្រើសញ្ជាតិអេស្ប៉ាញ សល់ដល់រដូវក្តៅ ឆ្នាំ ២០២៣ ស្របពេលដែលខ្សែការពារកណ្តាល និងស្លាប សល់ដល់ឆ្នាំបន្ទាប់មួយទៀតគឺ ២០២៤៕
ប្រភព៖ Marca