ពិភពបាល់ទាត់កំពុងរង់ចាំមើល ការសម្រេចចិត្តរបស់ Kylian Mbappe ថានឹងបន្តនៅជាមួយក្លឹបបច្ចុប្បន្ន PSG ឬក៏សម្រេចចិត្តផ្ទេរចេញទៅកាន់ក្លឹបថ្មី Real Madrid នៅពេលបន្ទាប់។ តែយ៉ាងណាតាមការលើកឡើងរបស់ប្រធានសហព័ន្ធបាល់ទាត់បារាំង លោក Noel Le Graet បានណែនាំឲ្យគេគួរបន្តនៅ ប្រសិនចង់ឈ្នះពានឯកត្តជន Ballon d’Or។
នៅសល់មិនដល់ ១០០ ថ្ងៃទៀតនោះទេ ឈ្មោះ Mbappe នឹងក្លាយជាកីឡាករឥតតម្លៃខ្លួន ហើយប្រសិនគេមិនបន្តកុងត្រាថ្មី នោះគឺស្មើនឹងការព្រមចែកផ្លូវ។ តាមការលើកឡើងរបស់មេធំ FFF ខាងលើនិយាយ៖ “ខ្ញុំចង់ឲ្យ Kylian គេបន្តនៅជាមួយក្លឹបប៉ារីស ជាការពិតសម្រាប់បាល់ទាត់បារាំង វាជារឿងល្អការដែលមានកីឡាករល្អបំផុតមួយក្នុងលោក បើមិនល្អបំផុត ក៏គេល្អក្នុងលីគរបស់យើងដែរ”។
លោកបន្តទៀតថា៖ “ជាងនេះគេក៏មានឱកាសឈ្នះពាន Ballon d’Or ជារួមទៅ នៅ PSG មានភាគរយខ្ពស់ជាងក្លឹបដទៃណាទាំងអស់”។ ផ្សារភ្ជាប់ទៅនឹងដំណឹងនៃការអាចមកដល់របស់ លោក Zinedine Zidane ក៏ត្រូវបាន លោក Noel បន្ថែម៖ “វាជារឿងល្អមែនទែន ប្រសិន Zidane មកដឹកនាំ PSG ពិតមែននោះ”៕
ប្រភព៖ BeSoccer