• Neymar ​ស៊ុត​៣​គ្រាប់​ម្នាក់​ឯង ​ជួយ PSG ​ឈ្នះ​ក្រុម Red Star ​៦-១

    ការ​ប្រកួត​សន្សំ​ពិន្ទុ​ពូល C ​នៃ Champions League ​យប់មិញ​នេះ ​ក្រុម PSG ​ពិត​ជា​ធ្វើ​បាន​ល្អ​មែនទែន ​ដោយ​បាន​យក​ឈ្នះ​លើ​ក្រុម Red Star Belgrade ​ដល់​ទៅ ៦-១ ​ឯ​ណោះ។

    ក្នុង​ជ័យជម្នះ​យ៉ាង​ធំធេង​នេះ ​ខ្សែ​ប្រយុទ្ធ Neymar ​រក​បាន​៣​គ្រាប់​ម្នាក់​ឯង ​និង​​៣​គ្រាប់​ទៀត ​ធ្វើ​បាន​សម្រេច​ដោយ Cavani , Di Maria ​និង

    Mbappe ។ លទ្ធផល​ឈ្នះ​នេះ បាន​ធ្វើ​ឱ្យ PSG ​រក​បាន​៣​ពិន្ទុ​ត្រលប់​មក​វិញ ​ក្រោយ​ពី​បើក​ឆាក​ប្រកួត​ពាន​នេះ ​ពួកគេ​បរាជ័យ​ក្រោម​ថ្វី​ជើង Liverpool ​ក្នុង​លទ្ធផល ៣-២ ​រួច​មក។

    ក្រោយ​ពី​រក​បាន​៣​គ្រាប់​យប់មិញ​នេះ Neymar ​បាន​និយាយ​ចំពោះ​ការ​ប្រកួត​នេះ​ថា​៖ “យើង​ចាញ់​ប្រកួត​ដំបូង ទើប​ធ្វើ​ឱ្យ​យើង​ប្រឹងប្រែង​នៅ​

    ប្រកួត​នេះ ដើម្បី​យក​បាន​ពិន្ទុ​យ៉ាង​សំខាន់​មក​វិញ។ អ្វី​ដែល​យើង​ខំ គឺ​ពិត​ជា​បាន​សម្រេច ​ហើយ​ខ្ញុំ​ដឹង​ថា​យើង​នឹង​ឈ្នះ។ យើង​លេង​បាន​ល្អ ​

    ហើយ​សង្ឃឹម​ថា​នឹង​បន្ដ​លេង​ល្អ​ដូច្នេះ​ទៀត ​នៅ​ប្រកួត​បន្ទាប់”។ PSG ​ប្រកួត​ទី​៣​របស់​ខ្លួន​នៅ Champions League ​គឺ​ត្រូវ​ប៉ះ​ជាមួយ​ក្រុម Napoli ​៕ប្រភពDailyMail

     

    ភ្ជាប់ទំនាក់ទំនងជាមួយ CTS SPORT