អតីតខ្សែការពារនៃក្លឹបហង្សក្រហម លោក Glen Johnson បានបង្ហាញការជឿជាក់ថា លោក Jurgen Klopp គួរណាតែលៃលកការចុះហត្ថលេខាយកតារាឆ្នើម Raphinha របស់ក្លឹប Leeds United នៅរដូវក្តៅខាងមុខ ដោយជឿថា នឹងក្លាយជាការនាំចូលដ៏ត្រឹមត្រូវ រួចក៏ស្ថិតក្នុងពេលវេលាដ៏សមស្របមួយដែរ។
Leeds កំពុងប្រឈមខ្ពស់ អាចនឹងត្រូវធ្លាក់ចេញពីក្របខ័ណ្ឌ Premier League ជាថ្មី ខណៈដែលស្លាបប្រយុទ្ធ Raphinha គេសេសសល់កុងត្រាដល់ចុងខែមិថុនា ឆ្នាំ ២០២៤ ក៏ប៉ុន្តែតម្លៃផ្ទេរអាចជាចុះមកត្រឹម ២៥ លានផោនអីតែប៉ុណ្ណឹងឯង ព្រោះក្លឹបអាណាព្យាបាល ប្រឈមនឹងមិនបានលេងពានលីគកំពូលរដូវកាលបន្ទាប់។
តាមការបញ្ជាក់ពី Johnson និយាយ៖ “ខ្ញុំគិតថាតម្លៃល្បាក់ ២៥ លានផោន សម្រាប់ហង្សគឺជាឱកាសដ៏ធំមួយហើយ ការនាំយក Raphinha ខ្ញុំមើលឃើញជាមុន ថានឹងត្រូវដូចរបៀបដែលក្លឹបយកបាន Diogo Jota និង Luis Diaz អ៊ីចឹងដែរ ព្រោះអីការលេងរបស់គេ គឺសក្តិសមនឹងប្រព័ន្ធរបស់ Liverpool ជាទីបំផុត”។ រំឭកបន្តិច ស្ថិតិកីឡាករប្រេស៊ីលរដូវកាលនេះ បង្ហាញខ្លួន ២៨ ប្រកួត រកបាន ៩ គ្រាប់និង Assist ៣ លើកឲ្យក្លឹប៕
ប្រភព៖ Sportskeeda