ក្រុមតោខៀវ Chelsea បានបន្ដជ័យជម្នះរបស់ខ្លួនទៀតហើយនៅពានរង្វាន់ FA Cup ដោយយកឈ្នះលើក្រុម Middlesbrough ក្នុងលទ្ធផល ២-០ ទៀត។
បើទោះជាស្ថិតក្នុងភាពមិនច្បាស់លាស់ពីអនាគតក្លឹបក្ដី តែសមាជិកក្រុម Chelsea នៅតែផ្ដោតលើការប្រកួតបានយ៉ាងល្អដដែល។ ជាក់ស្ដែងក្នុងការប្រកួតទល់ក្រុម Middlesbrough នៅពានរង្វាន់ FA Cup នៅយប់មិញ ក្រុម Chelsea បានយកឈ្នះក្នុងលទ្ធផល ២-០ ទៀតហើយ ដោយ២គ្រាប់នោះរកបានដោយ Lukaku នៅនាទី១៥ និង Ziyech នៅនាទី៣១។
ក្រុម Chelsea ក៏បានឡើងទៅវគ្គពាក់កណ្ដាលផ្ដាច់ព្រ័ត្រហើយក្នុងពានរង្វាន់ FA Cup នេះ។ ក្រោយជ័យជម្នះនេះ លោក Tuchel បាននិយាយថាលោកសប្បាយចិត្ត ព្រោះក្រុមលេងបានល្អ ការពារជាក្រុម ប្រយុទ្ធជាក្រុម។ ប្រកួតនេះ Chelsea គ្រប់គ្រងការប្រកួតបានទាំងមូល៕ ប្រភព ៖ DAILYMAIL
