គ្រាប់បាល់តែតបញ្ចូលទី របស់ Renan Lodi បានសម្រេចរុញឲ្យក្លឹប Atletico Madrid ចាប់បានកៅអីឆ្ពោះទៅវគ្គ ៨ ក្រុមចុងក្រោយ UEFA Champions League ហើយ Man Utd ក៏ត្រូវហាលអាវត្រឹមប៉ុណ្ណេះ ជាមួយលទ្ធផលសរុប ១-២។
ក្រោយចប់ការប្រកួត អ្នកចាំទី David de Gea បានបង្ហាញការសោកស្តាយបែបនេះ៖ “យើងពិតជាមានការខកចិត្តខ្លាំង ជាមួយលទ្ធផល ដោយវាពិតជាពិបាកនឹងនិយាយពីអារម្មណ៍របស់យើងនៅពេលវេលានេះ ខណៈដែលទាំងពីរជើង ក្រុមរបស់យើងធ្វើមិនបានល្អគ្រប់គ្រាន់ឡើយ”។
លោកបន្ត៖ “ពួកគេជាក្រុមពោរពេញដោយបទពិសោធន៍ ពួកគេដឹងពីរបៀបលេងនៅការប្រកួត Champions League ហើយបន្ទាប់ការរកគ្រាប់បាល់ ក្រុមរបស់យើងក៏លំបាកក្នុងការបង្កើតឱកាសវាយបកមកវិញ នេះយើងបានធ្លាក់ចេញពីការប្រកួតដ៏សំខាន់មួយ ដូច្នេះយើងពិតជាមានការសោកស្តាយ”៕
ប្រភព៖ BeSoccer