ក្លឹប Atletico Madrid បានយកឈ្នះ ២-១ សរុបទាំងពីរជើង ទៅលើ Man Utd ហើយលទ្ធផលសារនេះ ប្រធានក្រុម Koke ក្រៅពីសរសើរដល់ការលេងរបស់ក្រុមទាំងមូល ទៀតសោតក៏សង្កត់ធ្ងន់ដល់គុណភាពរបស់អ្នកចាំទី Jan Oblak ផងដែរ។
Koke និយាយ ក្រោយឈោងបានកៅអីឡើងទៅវគ្គបន្ត៖ “នៅជើងទី ១ តាមពិតទៅ យើងសក្តិសមនឹងឈ្នះ ការខិតខំរបស់ក្រុម ជាពិសេសនៅតង់ទី ១ យើងសក្តិសមតែជាអ្នកឈ្នះ តាំងពីប្រកួតមុន តែយ៉ាងណាយើងបន្តខិតខំ រហូតដល់បានឡើងមកវគ្គ ៨ ក្រុម ជារឿងដ៏សំខាន់បំផុតមួយដល់ក្រុមទាំងមូល”។
លោកបន្តពាក់ព័ន្ធនឹងអ្នកចាំទី Oblak បែបនេះ៖ “គេជាអ្នកចាំទីល្អបំផុតក្នុងលោក នេះគេបង្ហាញជាថ្មីឲ្យអ្នករាល់គ្នាបានឃើញ សម្រាប់ខ្ញុំ គេជាកីឡាករល្អបំផុតហើយនៅការប្រកួតនេះ ពិតជារីករាយដែលមានវត្តមានរបស់គេ ខ្ញុំសង្ឃឹមគេនឹងបន្តនៅជាមួយយើងច្រើនឆ្នាំទៅមុខទៀត”៕
ប្រភព៖ BeSoccer