លោក Jurgen Klopp បាននិយាយថារដ្ឋាភិបាលអង់គ្លេសធ្វើរឿងត្រឹមត្រូវហើយ ដែលសម្រេចដាក់ទណ្ឌកម្មលើលោក Roman Abramovich ដែលជាមនុស្សស្និទ្ធិជាមួយលោកពូទីន។
កាលពី២ថ្ងៃមុននេះ រដ្ឋាភិបាលអង់គ្លេសបានសម្រេចដាក់ទណ្ឌកម្មរបស់លោក Abramovich មិនឱ្យចូលអង់គ្លេសទៀតនោះទេ ខណៈដែលទ្រព្យសម្បត្តិរបស់លោកដែលមានដូចជាក្លឹប Chelsea ផ្ទះ និងរបរជាច្រើនទៀតនោះត្រូវបានបង្កកមិនឱ្យលក់ចេញនោះទេ។ ស្ថានភាពនេះបានធ្វើឱ្យក្លឹបតោខៀវ Chelsea ត្រដាបត្រដួសខ្លាំងណាស់ដើម្បីអាចដំណើរការបន្ដទៅមុខបាន។
ចំពោះរឿងនេះដែរ បើតាមមតិរបស់លោក Klopp អ្នកចាត់ការក្រុម Liverpool និយាយថានេះគឺជាការសម្រេចចិត្តត្រឹមត្រូវណាស់។ លោក អះអាងបែបនេះថា៖ “ខ្ញុំអារម្មណ៍សុំទោសចំពោះ Thomas និងកីឡាករ។ បុគ្គលិកក្លឹប Chelsea ទាំងអស់មិនត្រូវទទួលខុសត្រូវនោះទេ ប៉ុន្តែមានបុរសម្នាក់ត្រូវតែទទួលខុសត្រូវ នោះគឺ Vladimir Putin ។ ខ្ញុំមិនស្គាល់ Abramovich ច្បាស់ទេ ប៉ុន្តែគាត់ជាមនុស្សជំនិត Putin”៕ប្រភព៖ DailyMail
