សមាជិកក្រុម៥នាក់របស់ក្លឹបតោខៀវ Chelsea មិនមានជម្រើសអ្វី ក្រៅពីដើរចេញ Free នោះទេ ព្រោះអស់កុងត្រា ហើយក្លឹបក៏ត្រូវពិន័យមិនអាចចុះឬបន្ដកុងត្រាថ្មីកីឡាករបានទៀតដែរ។
រដ្ឋាភិបាលអង់គ្លេសបានដាក់ទណ្ឌកម្មលោក Roman Abramovich មិនឱ្យលក់ក្លឹប Chelsea ចេញទេ ហើយក្លឹបផ្ទាល់ក៏ប៉ះពាល់ខ្លាំងផងដែរ។ ពួកគេនឹងមិនអាចលក់សំបុត្របាន មិនអាចចុះកុងត្រាថ្មីកីឡាករបាន ហើយកីឡាករចាស់វិញក៏មិនអាចបន្ដកុងត្រាថ្មីបានទៀតដែរ។ ដោយនេះ នឹងធ្វើឱ្យសមាជិកក្រុមមួយចំនួនដែលផុតកុងត្រារដូវកាលនេះ អាចដើរចេញដោយមិនមានតម្លៃខ្លួនហើយ។
ជាក់ស្ដែងសមាជិកក្រុមនៅពេលនេះ មានរហូតដល់៥នាក់ឯណោះដែលនឹងផុតកុងត្រា។ ដោយក្នុងនោះមាន Cesar Azpilicueta ប្រធានក្រុម ខ្សែការពារAntonio Rudiger និងកីឡាករ Andreas Christensen ជាដើម។ ប្រសិនបើបន្ដមិនមានដំណោះស្រាយទេ នោះវានឹងក្លាយជាការបាត់បង់ធំណាស់សម្រាប់ក្លឹប Chelsea ហើយ៕ ប្រភព៖ DailyMail
