លោក Roman Abramovich ម្ចាស់ក្លឹប Chelsea ត្រូវរដ្ឋាភិបាលអង់គ្លេសដាក់ទណ្ឌកម្មហើយ ដោយក្លឹបមួយនេះនឹងមិនអាចលក់ចេញបានទេ។
លោក Abramovich ហាក់ដូចជាបានដឹងមុនដែរថានឹងទទួលទណ្ឌកម្ម ហើយលោកក៏បានដាក់លក់ក្លឹប Chelsea ចេញដែរ ក្នុងតម្លៃ៣ពាន់លានផោន។ តែដោយសារតម្លៃខ្ពស់ពេក លោកមិនអាចរកអ្នកទិញទាន់ មុនពេលអង់គ្លេសដាក់ទណ្ឌកម្មឡើយ។ ដូច្នេះចាប់ពីពេលនេះទៅ រឿងលក់ក្លឹប Chelsea គឺមិនអាចកើតមានបានឡើង ហើយប្រសិនបើលក់បានលុយក៏ត្រូវចូលរដ្ឋាភិបាលអង់គ្លេសដែរ មិនមែនចូលគណនីរបស់ Abramovich ឡើយ។
នៅពេលនេះ អាចនិយាយបានថាក្លឹប Chelsea កំពុងមានភាពលំបាកខ្លាំងជាក់ជាមិនខាន ព្រោះមិនច្បាស់ជាមួយអនាគតឡើយ។ ទណ្ឌកម្មដែលរដ្ឋាភិបាលអង់គ្លេសដាក់នោះ គឺក្លឹប Chelsea មិនអាចលក់សំបុត្រចូលទស្សនាប្រកួតឲ្យអ្នកគាំទ្ររបស់ខ្លួនបានទៀតនោះចាប់ពីថ្ងៃនេះតទៅ។ ដោយវានឹងបាត់ចំណូលច្រើនមែនទែនដល់ក្លឹប ព្រោះរាល់ប្រកួតចំណូលពីការលក់សំបុត្របានប្រមាណជាជិត១លានដុល្លារឯណោះ៕ប្រភព៖ DailyMail
