លោក Pep Guardiola បានអះអាងថានៅវគ្គ៨ក្រុមចុងក្រោយពានរង្វាន់ UEFA Champions League ក្រុម Manchester City ប៉ះក្រុមណាក៏បានដែរ ទោះជាក្រុមនៅអង់គ្លេសដូចគ្នាក៏ដោយ។
ក្រោយពីយកឈ្នះលើក្រុម Sporting Lisbon បានក្នុងលទ្ធផល ៥-០ ទាំងពីរជើងហើយ ក្រុម Man City បានកៅអីវគ្គ៨ក្រុមចុងក្រោយហើយ។ ឈានដល់វគ្គនេះ ក្រុមប្រទេសតែមួយក៏អាចឡើងទៅប៉ះគ្នាបានដែរ ពោលគឺដល់វគ្គ Man City អាចប៉ះ Liverpool បានហើយ តែឱកាសនៃការប៉ះឬមិនប៉ះ អាស្រ័យទៅលើលទ្ធផលចាប់ឆ្នោតសិនដែរ។
ចំពោះរឿងនេះ លោក Pep បាននិយាយថា៖ “យើងកំពុងនៅចំណោមក្រុម៨ល្អបំផុតនៅអឺរ៉ុប ហើយយើងនឹងរៀបចំក្រុមឱ្យបានល្អ។ នៅថ្ងៃសុក្រសប្ដាយ៏ក្រោយយើងនឹងដឹងថាត្រូវប៉ះក្រុមណាហើយ ក្រោយពីចាប់ឆ្នោតរួច។ យើងនឹងរៀបចំក្រុមបន្ថែមទៀត។ វាជាកិត្តិយសដែរ ដែលបានដល់វគ្គនេះ ហើយក្រុមសំខាន់ៗខ្លះក៏បានធ្លាក់ទៅហើយដែរ។ យើងនឹងដឹងថាអ្វីនឹងកើតឡើងនៅសប្ដាហ៍ក្រោយ”៕ប្រភព៖ DailyMail
