លោក Mauricio Pochettino អាចនឹងត្រូវក្រុម PSG ដេញចេញពីតំណែងអ្នកចាត់ការក្រុមនៅពេលឆាប់ៗខាងមុខនេះហើយ ក្រោយពីដឹកនាំក្រុមចាញ់ Real Madrid ៣-១ នៅយប់មិញ។
កាលពីជើងទី១កន្លងទៅ PSG បានយកឈ្នះលើក្រុម Real Madrid ១-០ តែឈានដល់ជើងទី២នៅយប់មិញនេះវិញ ក្រុម Real Madrid បានយកឈ្នះលើ PSG វិញក្នុងលទ្ធផល ៣-១។ សរុបទាំងពីរជើងទៅ Real Madrid បានឈ្នះក្រុម PSG ក្នុងលទ្ធផល ៣-២ ដើម្បីឡើងទៅវគ្គ៨ក្រុមចុងក្រោយពានរង្វាន់ UEFA Champions League ។
បរាជ័យនៅត្រឹមវគ្គ១៦ក្រុមនេះហើយ បានធ្វើឱ្យក្រុម PSG អស់ទំនុកចិត្តទៅលើយុទ្ធសាស្ត្រដឹកនាំក្រុមរបស់លោក Mauricio Pochettino ហើយ។ ពួកគេអាចនឹងបណ្ដេញលោកចេញនៅពេលខាងមុខនេះ ដោយមិនចាំដល់ចប់រដូវកាលនោះទេ ព្រោះក្លឹបអស់ឱកាសសម្រាប់ពាន UEFA Champions League ហើយ៕ប្រភព៖ DailyMail
