ក្លឹបអ្នកមានបុណ្យ Barcelona ពេលចុងក្រោយ ត្រូវបានគេរាយការណ៍ថា ក៏ស្ថិតក្នុងគោលដៅធំមួយរបស់កីឡាករ Erling Haalnd សម្រាប់ការផ្ទេរចូលនៅពេលខាងមុខផងដែរ។ យ៉ាងណាក្លឹប ក៏នឹងត្រូវប្រជែងរវាងបណ្តាក្លឹបយក្សឯទៀត តួយ៉ាងគឺ Man City និង Real Madrid ក៏ចាប់ចិត្តមកលើយុវជនសញ្ជាតិន័រវេសដូចគ្នា។
បើតាមរបាយការណ៍ពី Marca ចុះផ្សាយថា Haaland ក៏គេគិតចង់ដើរចូលក្លឹប Barcelona ជាជាងក្លឹបដទៃផងដែរ ព្រោះអី គេជឿជាក់លើផែនការណ៍ដឹកនាំរបស់អ្នកចាត់ការលោក Xavi Hernandez។ តែសំខាន់ ក៏ទាមទារឲ្យក្លឹបមានកញ្ចប់ចំណាយច្បាស់លាស់មួយ មុននឹងគេសម្រេចទម្លាក់ចុងប៊ិច។
ប្រភពបានឲ្យដឹងថា យ៉ាងហោចណាស់ក្លឹបត្រូវការលុយ ២៥០ លានអឺរ៉ូ ប្រសិនចង់សម្រេចបំណងប្រាថ្នានាំចូលកីឡាករវ័យ ២១ ឆ្នាំខាងលើ។ នេះគិតទាំងតម្លៃផ្ទេរចូល តម្លៃពលកម្ម និងប្រាក់ឧបត្ថម្ភផ្សេងទៀត គួបផ្សំនឹងប្រាក់ភាគលាភឲ្យភ្នាក់ងាររត់ការផងនោះ។ គួរបញ្ជាក់ថា សុពលភាពកុងត្រារបស់ Haaland ជាមួយក្លឹបអាណាព្យាបាល Dortmund សេសសល់ដល់ចុងខែមិថុនា ឆ្នាំ ២០២៤ តែដោយសារគេមានតម្លៃផ្តាច់កុងត្រាទាប ត្រឹមតែ ៧៥ លានអឺរ៉ូ ទើបក្លឹបជាច្រើនហ៊ានចូលចែចូវ៕
ប្រភព៖ Marca