នៅទីផ្សារដោះដូររដូវក្តៅខាងមុខ លោក Jurgen Klopp បានចាប់អារម្មណ៍ចង់ពង្រឹងប្រព័ន្ធបម្រើ តាមរយៈការនាំយកកីឡាកររបស់ក្លឹប Borussia Dortmund គឺខ្សែបម្រើ Jude Bellingham។ យុវជនវ័យ ១៨ ឆ្នាំ បានផ្ទុះការគាំទ្រខ្លាំង ក្រោយតែពីការលេងឲ្យជម្រើសជាតិអង់គ្លេសនៅ Euro 2020 និងការឡើងជើង ពេលលេងឲ្យ Dortmund នៅរដូវកាលចុងក្រោយ។
បើតាមសារព័ត៌មាន The Sun ចុះផ្សាយថា លោក Klopp ថែមទាំងបានប្រាប់ទៅមិត្តជិតស្និទ្ធរបស់ខ្លួនទៀតផង ថានឹងទាក់ទងទៅកាន់ Bellingham ដើម្បីនាំយកគេមកចុះចូលនៅទឹកដី Anfield។ ការចរចា គឺដោយសារជឿថា សមត្ថភាពរបស់កីឡាករអង់គ្លេស ពេលទៅមុខ នឹងអាចក្លាយជាកីឡាករល្អបំផុតមួយក្នុងលោក។
តែយ៉ាងណា តម្លៃផ្ទេររបស់ Bellingham នៅតែជាបញ្ហាចោទ ព្រោះអី Dortmund ក៏លឺពីពេលកន្លងមក នឹងមិនព្រមអនុញ្ញាតឲ្យគេចេញដាច់ខាត ប្រសិនតម្លៃខ្លួនទទួលបាន ក្រោម ១០០ លានផោន។ ទៅមើលស្ថិតិរដូវកាលនេះ គ្រាប់ពេជ្រខាងលើរាប់ថាសកម្ម ដោយបង្ហាញខ្លួនសរុប ៣៤ ប្រកួត រកបាន ៦ គ្រាប់និង Assist ១២ លើកឯណោះ៕
ប្រភព៖ The Sun