អ្នកចាត់ការលោក Carlo Ancelotti បាននិយាយមុនការប្រកួត រវាងក្លឹប Real Madrid និង PSG នៅទឹកដី Bernabeu រាត្រីនេះ ថាយុទ្ធសាស្រ្តដឹកនាំរបស់លោក នឹងមិនផ្តោតតែតាមបិទកីឡាករសំខាន់ទេ ផ្ទុយទៅវិញ ឲ្យតែកីឡាករល្អរបស់ PSG គឺតាមបិទទាំងអស់។
កាលពីជើងទី ១ ក្លឹបបានបរាជ័យ ១-០ ឥឡូវងាកមកជើងទី ២ បើលេងបានត្រឹមស្មើ នោះគឺ ធ្លាក់ តែបើបាន ១-០ វិញ គឺបន្ថែមម៉ោង ហើយបើ ២-០ គឺឈ្នះដាច់ អាចឡើងទៅវគ្គបន្ត។ គ្រូវ័យ ៦២ ឆ្នាំនិយាយ៖ “ផែនការណ៍របស់យើង មិនមែនរៀបចំតែសម្រាប់ទប់ទល់នឹង Mbappe ម្នាក់ទេ តែទាំងសម្រាប់ Neymar, Messi ក៏ដូចជាកីឡាករល្អៗរបស់ PSG ឯទៀត”។
លោកបន្ថែម៖ “ផែនការណ៍របស់យើងគឺ លេងប្លុកជាប់ ជាមួយបាល់ ហើយបើបាត់បាល់ គឺត្រូវតែដាក់សម្ពាធភ្លាមៗ ពោលត្រូវតែធានាពីការតស៊ូរយៈពេល ៩០ នាទីពេញ ដើម្បីឲ្យក្លាយជាប្រកួតដ៏ពេញលេញមួយ”។
“និយាយទៅយើងត្រូវតែឈ្លាសវៃសារនេះ យើងមិនអាចលេងដោយរបៀបឆ្កួតឡប់បានទេ គឺត្រូវតែឈ្នះ មិនថាលឿនឬយឺតនៅចុងម៉ោង សំខាន់យើងត្រូវតែសល់ក្តីសង្ឃឹម និងលេងដោយការវាយសម្រុកជាប់រហូតទៅ”៕
ប្រភព៖ Sportskeeda