ក្លឹបអង់គ្លេស ២ មាន Arsenal និង Leicester City ត្រូវបានគេដឹងថា កំពុងចាប់ចិត្តទៅលើកីឡាករ Domenico Berardi ដោយចង់សម្រេចការនាំយក មកចូលរួមនៅទីផ្សារដោះដូររដូវក្តៅខាងមុខ។ គេជាសមាជិករបស់ក្លឹប Sassuolo នៃលីគកំពូលអ៊ីតាលី និងលេងតំណែង ប្រយុទ្ធស្លាបស្តាំ។
ទន្ទឹមដែលសុពលភាពកុងត្រា ត្រូវផុតនៅចុងខែមិថុនា ឆ្នាំ ២០២៤ ខាងមុខ ក្លឹប Sassuolo ក៏អាចធានាពីផលចំណេញ តាមរយៈការលក់ចេញគេផងដែរ ដ្បិតគ្រាទិញពី Juventus មកថោក ចាយអស់តែ ១០ លានអឺរ៉ូ។ ក្លឹបរំពឹងលក់ចេញទៅវិញ យកចំណេញ ១ ទ្វេជា ៣ ពោលដល់ ៣០ លានអឺរ៉ូឯណោះ។
ប្រភពពីអ្នកសារព័ត៌មាន Nicolo Schira បានឲ្យដឹងថា ក្លឹបអង់គ្លេសទាំងពីរខាងលើ ថែមទាំងបានបញ្ជូនក្រុមឃ្លាំមើល ទៅសង្កេតការលេងបន្ថែមរបស់ Berardi នៅសប្តាហ៍មុនទៀតផង ព្រោះដើម្បីធានាថា ជាការសម្រេចចិត្តត្រូវ ហើយបើល្អមែន ក៏នឹងប្រញាប់ចរចា ព្រោះអីក្លឹបរួមលីគ Napoli និង AC Milan ឯណោះ ក៏លឺល្ហៀងៗថាចាប់ចិត្តដូចគ្នា៕
ប្រភព៖ Goal