ក្លឹប Queretaro នឹងត្រូវពិន័យមិនឱ្យអ្នកគាំទ្រចូលទស្សនារយៈពេល១ឆ្នាំ ក្រោយពីមានមនុស្សស្លាប់ជាច្រើននាក់ អំឡុងការប្រកួតទល់ក្រុម Atlas កាលពីចុងសប្ដាហ៍កន្លងទៅ។
មានមនុស្សជាច្រើននាក់បានស្លាប់ និងរបួសអំឡុងពេលមានហិង្សាកើតឡើងក្នុងប្រកួតរវាងក្រុម Queretaro និង Atlas ក្នុងលីគកំពូលមិចសិកូ។ ដោយការបង្កជំលោះនោះកើតឡើង ក្រោយពីក្រុម Atlas ដែលជាក្រុមភ្ញៀវនាំមុខទៅលើក្រុមម្ចាស់ផ្ទះ Queretaro ។ ទម្រាំតែអាចគ្រប់គ្រងការវាយតុបគ្នានោះបាន គេសង្កេតឃើញមានអ្នករបួសនិងស្លាប់ជាច្រើននាក់ទៅហើយ។
ក្រោយកើតរឿងនោះ FIFA បានចាត់ទុកហិង្សានេះថាមិនអាចទទួលយកបាននោះទេ និងត្រូវស្វែងរកប្រភពដែលបង្កមកដាក់ទោស។ ជាមួយគ្នានេះដែរ ខាងប្រធានប្រធានសហព័ន្ធបាល់ទាត់មិចសិកូ ក៏បានចាត់វិធានការភ្លាមៗផងដែរ។ ដោយរឿងដំបូងនោះគឺពិន័យក្លឹប Queretaro មិនឱ្យអ្នកគាំទ្រចូលទស្សនារយៈពេល១ឆ្នាំពេញឯណោះ៕
ប្រភព៖ BBC