Jurgen Klopp ចង់ឱ្យ Salah ធ្វើចិត្តឱ្យត្រជាក់ មុនការប្រកួតជាមួយក្រុម Napoli នៅរាត្រីនេះ កុំឱ្យគិតច្រើនរឿងគេរិះគន់នានា។Salah ត្រូវបានលោក Klopp ឱ្យសម្រាក មិនឱ្យលេងពេញ៩០នាទី ២ប្រកួតមកហើយ ដើម្បីឱ្យរូបគេប្រមូលអារម្មណ៍ឱ្យមូល ត្រៀមលេងនៅយប់នេះ។
ចំពោះរឿងដាក់ឱ្យសម្រាកនេះដែរ លោក Klopp ពន្យល់ទៅកីឡាករថាកុំគិតច្រើន ព្រោះលោកមិនមានការសង្ស័យចំពោះសមត្ថភាពរបស់ Salah ឡើយ។ ហើយប្រកួតសំខាន់យប់នេះ រូបគេនឹងមានវត្តមានចូលលេងជួយក្រុមមិនខាន។
មិនត្រឹមតែអ្នកចាត់ការលើកទឹកចិត្តនោះទេ ដោយឡែកមិត្តរួមក្រុម Georgninio Wijnaldum ក៏និយាយលើកទឹកចិត្តដល់កីឡាករអេហ្ស៊ីបរូបនេះដែរ។Wijnaldum និយាយថាមិត្តរួមក្រុមរបស់ខ្លួននឹងត្រលប់ទៅរកសមត្ថភាពខ្ពស់វិញ ដូចរដូវកាលមុនអីចឹង ប៉ុន្តែត្រូវការពេលវេលាសិន៕ប្រភពDailyMail
