Neymar នឹងត្រូវចូលជួបក្លឹបម្ចាស់ដី Real Madrid សម្រាប់ការប្រកួតជើងទី ២ វគ្គ ១៦ ក្រុមរាត្រីនេះ បន្ទាប់ PSG នាំមុខមុនមួយគ្រាប់ កាលពីជើងទី ១ កន្លងទៅ។ និយាយមុនការប្រកួត កីឡាករប្រេស៊ីលក៏បង្ហើបពីពេលវេលាអតីតកាល គ្រាលោកប៊ិះនឹងផ្ទេរទៅក្លឹបអធិរាជស។
ខ្សែប្រយុទ្ធស្លាបខាងលើនិយាយ៖ “ខ្ញុំប៊ិះតែនឹងទៅលេងឲ្យក្លឹប Real Madrid ពេលខ្ញុំស្ថិតនៅអាយុ ១៣ ឆ្នាំ តែយ៉ាងណាជីវិតបានទាញខ្ញុំឲ្យទៅ Barcelona ជាកន្លែងជះឥទ្ធិពលខ្លាំងមកលើខ្ញុំ ហើយក៏ជាក្រុមស្ថិតក្នុងបេះដូងរបស់ខ្ញុំផងដែរ”។
លោកបន្តទៀតថា៖ “ពេលវេលាពេលនេះជាមួយ PSG គឺរីករាយ ហើយការប្រកួតនៅ Bernabeu នឹងក្លាយជាជំនួបដ៏ល្អមួយ យើងនឹងទទួលរងសម្ពាធច្រើន ព្រោះយើងធ្លាប់ជួបរួចមកហើយ គ្រាន់ថាបែបណា យើងត្រូវតែបន្តរីករាយនៅពេលវេលាបច្ចុប្បន្នភាពដែលយើងមានជាមួយបាល់ទាត់”។ បញ្ជាក់ថា ការប្រកួតនេះ PSG សុំទប់ត្រឹមស្មើ ០-០ ក៏អាចរុញឲ្យពួកគេឡើងទៅវគ្គបន្ត ១/៤ ផ្តាច់ព្រ័ត្របានដែរ៕
ប្រភព៖ BeSoccer