ប្រធានក្លឹបលោក Joan Laporta ថាការដែល Barcelona បោះបង់ Lionel Messi ទៅឲ្យក្លឹបថ្មី នៅលក្ខខណ្ឌឥតតម្លៃខ្លួន គឺជារឿងដ៏សោកសៅបំផុត តែវាគឺជាដំណោះស្រាយតែមួយគត់ ហើយក៏គ្មានអ្វីដែលធំជាងក្លឹបទាំងមូលនោះដែរ។ សារនោះដូចអ្នកបានដឹងហើយ បើបន្តកុងត្រាថ្មីឲ្យ M10 គឺលុះត្រាតែក្លឹបត្រូវលក់កីឡាករជាច្រើន ឬទម្លាក់ថ្លៃពលកម្មពួកគេឲ្យទាបខ្លាំង ដែលវាពិតជាស្មុគស្មាញខ្លាំង។
ប្រាប់គេហទំព័រផ្លូវការក្លឹបកន្លងទៅនេះ លោក Laporta ថា៖ “វាជាការសម្រេចចិត្តដ៏គួរឲ្យសោកសៅបំផុតសម្រាប់ខ្ញុំ ដោយយើងអត់ធ្លាប់គិតថាចង់ធ្វើវាទេ តែយ៉ាងណាខ្ញុំសុំទោស ព្រោះយើងត្រូវតែដាក់ក្លឹបធំជាងអ្វីៗទាំងអស់ ឬសូម្បីតែធំជាងកីឡាករល្អបំផុតក្នុងលោក ព្រោះស្ថានភាពគឺបង្ខំឲ្យយើងត្រូវតែធ្វើបែបហ្នឹង”។
លោកបន្ត៖ “យើងប្រឆាំងនឹងការពិត ហើយបន្តពីនោះ យើងក៏បានឃើញ ថា Barcelona នៅតែបន្តធ្វើការបានយ៉ាងល្អ វាកំពុងស្ថិតនៅលើវិថីឆ្ពោះទៅភាពជោគជ័យ ជាអ្វីដែលយើងរំពឹងទុក និងកំពុងបង្ហាញទៅកាន់អ្នករាល់គ្នា”៕
ប្រភព៖ Marca