ក្លឹបបារាំង Paris Saint-Germain ទំនងជានឹងទទួលបានសមាជិកថ្មី ជាកំពូលកីឡាករឆ្នើមគឺ Cristiano Ronaldo នៅរដូវក្តៅខាងមុខ ពោលឲ្យតែក្លឹបព្រមបើកផ្លូវទទួលយក នោះសាមីខ្លួន នឹងមិនទាក់ទើរក្នុងការសម្រេចចិត្តដើរចូលឡើយ។
បើតាមសារព័ត៌មាន Football Transfers ចុះផ្សាយថា តារាឆ្នើមវ័យ ៣៧ ឆ្នាំ បានគិតគូររួចជាស្រេចហើយ ថានៅសេសសល់ ១០ ជុំបន្ទាប់ក្នុងក្របខ័ណ្ឌ Premier League ប្រសិនក្លឹបមិនអាចប្រជែងយកចំណាត់ថ្នាក់ Top 4 ដើម្បីបានកៅអីលេងពានអឺរ៉ុប UEFA Champions League រដូវកាលក្រោយ នោះគេនឹងដើរចេញ មុនផុតកុងត្រា។
តាមពិតទៅ កីឡាករព័រទុយហ្គាល់សេសសល់កុងត្រាដល់ចុងខែមិថុនា ឆ្នាំក្រោយ ២០២៣ តែលោកនឹងមិនចង់បន្តនៅទៀតទេ ប្រសិនក្លឹបមិនអាចស្រោចស្រង់ស្ថានការណ៍ឲ្យល្អប្រសើរជាងពេលបច្ចុប្បន្ននេះ។ គួររំឭកដែរថា Ronaldo សរុបស្ថិតិលេងឲ្យ United ៣០ ប្រកួត ទើបតែរកបាន ១៥ គ្រាប់និង Assist ៣ លើកប៉ុណ្ណោះ ជុំវិញតម្លៃផ្ទេរ គឺទាបទេ មិនដល់ ៣០ លានអឺរ៉ូឡើយ តែសំខាន់គឺត្រង់ថ្លៃពលកម្ម៕
ប្រភព៖ Football Transfers