ក្រុម FC Barcelona នឹងបន្ដកុងត្រាថ្មីឱ្យខ្សែការពារ Dani Alves ទៀត ក្រោយពីវត្ដមានរបស់គេចូលរួមក្រុមតាំងពីខែមករាមក ជួយបានច្រើន។
Dani ស្ម័គ្រចិត្តមកចូលរួមជាមួយក្រុម FC Barcelona វិញកាលពីខែមករាដើមឆ្នាំ២០២២កន្លងទៅ។ ខ្សែការពារចាស់វស្សារូបនេះ នៅតែមានទម្រង់លេងល្អ ជួយក្រុមបានច្រើនដដែល បើទោះជារូបគេអាយុច្រើនហើយក៏ដោយ។ មើលឃើញបែបនេះ ទើបលោក Xavi អ្នកចាត់ការក្រុម Barcelona ចង់បានរូបគេមកលេងទៀតនៅរដូវកាលក្រោយ ដោយចប់រដូវកាលនេះទំនងជាផ្ដល់កុងត្រាឱ្យ១ឆ្នាំទៀត។
កីឡាករវ័យ៣៨ឆ្នាំខាងលើពិតជាមានប្រយោជន៍ជួយក្រុមបានច្រើនណាស់។ រូបគេបានរ៉ាប់រងតំបន់ការពារស្លាបបានយ៉ាងល្អ ហើយអាចឡើងទៅជួយប្រយុទ្ធថែមទៀត។ តាំងពីខែមករាមក Alves រកបានគ្រាប់បាល់១គ្រាប់ និងបញ្ជូនបាល់ឱ្យមិត្តរួមក្រុមបាន៣គ្រាប់ផងដែរ៕ ប្រភព៖ Marca