លោក Roman Abramovich ម្ចាស់ក្លឹប Chelsea នឹងទទួលសំណើរពីការចង់ទិញក្លឹបពីសំណាក់បណ្ដាសេដ្ឋីនានាមានទាំងនៅស្វីស និងអាមេរិក នៅចុងសប្ដាហ៏នេះ។
បើទោះជាលោក Roman សេដ្ឋីរុស្ស៊ីបានប្រកាសផ្ដល់សិទ្ធិគ្រប់គ្រងក្លឹបទៅឱ្យខាងChelsea Foundation ក្ដី ប៉ុន្តែសម្ពាធនៅមិនទាន់បញ្ចប់នោះទេ។ រដ្ឋាភិបាលអង់គ្លេស ហាក់ចង់ដាក់ទណ្ឌកម្មលើសេដ្ឋីរុស្ស៊ីបន្ថែមទៀត ដោយអាចនឹងដកការរកស៊ីរបស់សេដ្ឋីរុស្ស៊ីទាំងអស់ពីអង់គ្លេស ដោយក្នុងនោះក៏មានលោក Roman ម្នាក់ផងដែរ។ ដោយសារតែស្ថានភាពមិនស្រួលផង ទើបពេលនេះមានភាគីជាច្រើនចង់ដាក់សំណើរទិញក្លឹប Chelsea ពីលោក Roman ហើយ។
នៅចុងសប្ដាហ៍នេះសំណើរទិញក្លឹបនឹងផ្ញើមកឱ្យសេដ្ឋីរុស្ស៊ីដែលស្និទ្ធិជាមួយពូទីនពិនិត្យមើលហើយ។ លោក ទំនងជានឹងត្រូវពិចារណារឿងនេះខ្លាំងហើយ ព្រោះសម្ពាធខ្លាំង ក្រោយពីរុស្ស៊ីសម្រេចចិត្តឈ្លានពានទៅលើអ៊ុយក្រែន ធ្វើឱ្យក្រុមអ្នកវិនិយោគរុស្ស៊ីពិបាករកស៊ីនៅអង់គ្លេសណាស់៕ ប្រភព៖ DailyMail
