អតីតខ្សែប្រយុទ្ធក្លឹបបិសាចក្រហម លោក Roy Keane បានបង្ហាញការយល់ឃើញ ជុំវិញអ្នកចាត់ការបន្ទាប់ ដែលគួរតែមកដឹកនាំក្លឹប Man Utd ហើយលោកបានចុចឈ្មោះ គ្រូនៃក្លឹប Atletico Madrid គឺ Diego Simeone។
តាមការបញ្ជាក់របស់សារព័ត៌មាន Goal បានសម្រង់សម្តី Keane បែបនេះ៖ “ប្រហែលមានតែ Simeone ទេ ដែលសក្តិសម នឹងមកកាន់តំណែងនេះ ហើយគាត់នឹងធ្វើបានល្អនៅ United ព្រោះយើងត្រូវដឹងថា ក្លឹបមួយ បើយកគ្រូខុស គឺខុសទាំងស្រុង ទោះមានកីឡាករល្អប៉ុណ្ណាក៏ដោយ”។
គួរបញ្ជាក់ដែរថា គ្រូសញ្ជាតិអាហ្សង់ទីន រាប់បានជាបុគ្គលកាន់ឆ្នាំនៅក្លឹបក្រហមស ដោយបានឈរជើងតាំងពីចុងឆ្នាំ ២០១១ ហើយសេសសល់កុងត្រាដល់ចុងខែមិថុនា ឆ្នាំ ២០២៤ ឯណោះ។ អតីតកាលលោកមិនធ្លាប់ដឹកនាំ ក្លឹបនៅអង់គ្លេសនោះទេ អ៊ីចឹងបើសារនេះចរចាត្រូវរ៉ូវ ក៏រាប់បានជាបទពិសោធន៍ថ្មីសន្លាង៕
ប្រភព៖ Goal