លោក Emery អ្នកចាត់ការក្រុម PSG បានបញ្ជាក់ថាខ្សែប្រយុទ្ធ Mbappe ចង់ទៅលេងនៅក្លឹប Real Madrid ឬ FC Barcelona ទៅថ្ងៃអនាគត។
Emery នឹងត្រូវចាកចេញពី PSG ហើយ នៅចប់រដូវកាលនេះ ក្រោយពីជួយក្រុមលើកពានលីគកំពូលបារាំង ប៉ុន្តែមិនអាចឈានដល់វគ្កផ្ដាច់ព្រ័ត្រ UCL ដែលជាគោលបំណងរបស់ក្លឹបបាន។ មុនការចាកចេញទៅនេះដែរ អ្នកចាត់ការអេស្ប៉ាញរូបនេះបាននិយាយថាខ្សែប្រយុទ្ធ Mbappe មិនចង់លេងឱ្យ PSG យូរនោះទេ រូបគេចង់ទៅលេងឱ្យក្លឹបនៅអេស្ប៉ាញជាង។
“ខ្ញុំបានជួបគាត់ និងឪពុករបស់គាត់។ យើងបាននិយាយគ្នា ហើយគាត់បានប្រាប់ខ្ញុំថាចង់ទៅលេងនៅ Real Madrid ឬ Barcelona ទៅថ្ងៃអនាគត។ ពេលនោះខ្ញុំបានប្រាប់គាត់ឱ្យគាត់ លេងនៅបារាំងសិន ដើម្បីឱ្យខ្លួនមានសមត្ថភាពគ្រប់គ្រាន់ក្នុងការផ្លាស់ទៅអេស្ប៉ាញ និងជោគជ័យនៅទីនោះ”។ សម្ដីរបស់លោក Emery ។
អតីតកីឡាករ Monaco ខាងលើនេះទើបតែមានអាយុ១៩ប៉ុណ្ណោះ ហើយលេងឱ្យក្រុម PSG បាន៣៨ប្រកួតហើយ គិតគ្រប់កម្មវិធីទាំងអស់ នារដូវកាលដំបូង។ រូបគេមាន Idol ក្នុងដួងចិត្តជា Cristiano Ronado ៕