ក្រុម Leeds United បានប្រកាសតែងតាំងលោក Jesse Marsch មកធ្វើជាអ្នកចាត់ការថ្មីជាផ្លូវការហើយ បន្ទាប់ពីពួកគេបានដកលោក Marcelo Bielsa ចេញកាលពីម្សិលមិញនេះ។
លោក Bielsa ដែលចូលដឹកនាំក្រុម Leeds United នៅឆ្នាំ២០១៨ និងជួយក្លឹបនេះឱ្យឡើងមកលេងនៅលីគកំពូលវិញនោះ ត្រូវបានក្លឹបដកចេញពីតំណែង ក្រោយពីលោកដឹកនាំក្រុមមិនបានល្អសោះនៅប៉ុន្មានប្រកួតចុងក្រោយ ដោយរបូតគ្រាប់បាល់ច្រើនៗគ្រាប់ណាស់។ បន្ទាប់ពីបណ្ដេញគ្រូបង្វឹកខាងលើនេះចេញទៅ ក្រុម Leeds ក៏បានរកអ្នកចាត់ការថ្មីបានភ្លាមផងដែរ។ ពួកគេបានតែងតាំងលោក Jesse Marsch មកធ្វើជាអ្នកចាត់ការថ្មីកាលពីយប់មិញ។
លោកJesse Marsch នេះ ជាអតីតអ្នកចាត់ការក្រុម RB Leipzig ហើយលោកក៏ធ្លាប់ដឹកនាំក្រុមជាច្រើនទៀតដូចជា New York Red Bulls, RB Salzburg ផងដែរ។ លោកនឹងដឹកនាំប្រកួតដំបូងនៅថ្ងៃសៅរខាងមុខនេះ ទល់ក្រុម Leicester City ៕ប្រភព ៖ DailyMail
