Memphis Depay ដ្បិតទើបតែផ្ទេរមក Barcelona បានរយៈពេលមិនដល់មួយឆ្នាំ តែគេហាក់មានចិត្តចង់ចែកផ្លូវនៅពេលខាងមុខនេះហើយ ពោលក្រោយការមកដល់គរជើងគ្នានៅតំណែងប្រយុទ្ធ តួយ៉ាងដូច Ferran Torres និង Pierre-Emerick Aubameyang នាពេលចុងក្រោយ។
បើតាមសារព័ត៌មាន El Nacional ចុះផ្សាយថា បុរសវ័យ ២៨ ឆ្នាំ កំពុងរំអុកក្លឹបអាណាព្យាបាលឲ្យទម្លាក់តម្លៃផ្ទេរចេញរបស់ខ្លួន ដើម្បីងាយឲ្យគេអាចចរចាកុងត្រាថ្មី ដែលមានតម្លៃពលកម្មខ្ពស់ ជាមួយក្លឹបបន្ទាប់។
ខ្សែប្រយុទ្ធសញ្ជាតិហូឡង់ សេសសល់កុងត្រាដល់ចុងខែមិថុនា ឆ្នាំ ២០២៣ ឯណោះ តែគេចង់ចាកចេញនៅបញ្ចប់រដូវកាលខាងមុខ។ តាមហាងឆេងតម្លៃខ្លួន គឺខ្ពស់ដល់ ៤៥ លានអឺរ៉ូ ដូច្នេះមានតែការផ្តាច់កុងត្រាមុនកាលកំណត់រវាងភាគីក្លឹបនិងកីឡាករសិនទេ ដើម្បីអាចអនុញ្ញាតឲ្យ Depay ចាកចេញទៅបានស្រួល។ ទៅមើលស្ថិតិរបស់គេបន្តិច រដូវកាលនេះ ២៤ ប្រកួត រកបាន ៩ គ្រាប់និង Assist ២ លើក៕
ប្រភព៖ El Nacional