សហព័ន្ធបាល់ទាត់អន្ដរជាតិ FIFA បានដាក់បញ្ជាឱ្យក្រុមជម្រើសជាតិរុស្ស៊ីអាចចូលរួមប្រកួតបាល់ទាត់នានាបាន តែមិនអាចប្រើ Logo ទង់ជាតិ និងភ្លេងជាតិបាននោះទេ។
ប្រទេសជាច្រើននៅលើលោកនេះ បានប្រកាសមិនប្រកួតបាល់ទាត់ជាមួយក្រុមរុស្ស៊ីនោះទេ ដោយសួម្បីតែក្រុមប៉ូឡូញ និងស៊ុយអែត ដែលត្រូវប្រកួតជម្រុះ World Cup 2022 នៅពាក់កណ្ដាលខែក្រោយ ក៏ពួកគេប្រកាសឈប់ប្រកួតដែរ។ នេះជាសម្ពាធមួយសម្រាប់រុស្ស៊ី ដែលកើតឡើងមកបាន ដោយសារតែប្រទេសនេះបានលើកទ័ពទៅវាយអ៊ុយក្រែនទាំងកម្រោលកាលពីថ្ងៃទី២៤ខែកុម្ភៈឆ្នាំ២០២២កន្លងទៅ។
មិនត្រឹមតែប៉ុណ្ណឹងទេ ខាង FIFA ឯណោះវិញក៏បានដាក់គំនាបមកលើរុស្ស៊ីផងដែរ។ FIFA បានប្រកាសថារុស្ស៊ីអាចចូលលេងពានរង្វាន់ផ្សេងៗបានជាធម្មតា ប៉ុន្តែក្រុមមួយនេះមិនអាចដាក់ Logo ទង់ជាតិ និងចាក់បទភ្លេងជាតិបានទេ។ នេះជាសម្ពាធមួយដែល FIFA សម្រេចដាក់ទៅលើរុស្ស៊ី ដែលបានឈ្លានពានអ៊ុយក្រែន៕ ប្រភព៖ BBC