ក្លឹបសេដ្ឋីប្រចាំទីក្រុងប៉ារីស Paris Saint-Germain បានបន្តយកឈ្នះនៅជុំទី ២៦ តាមរយៈលទ្ធផល ៣-១ ទៅលើក្លឹប St.Etienne។ ការយកបាន ៣ ពិន្ទុ បានបន្ថែមគម្លាតដាច់ឆ្ងាយ រុញឲ្យ PSG នាំមុខ Nice ជាក្រុមលេខ ២ ដល់ទៅ ១៦ ពិន្ទុឯណោះ។
ក្លឹបដឹកនាំដោយអ្នកចាត់ការលោក Mauricio Pochettino មានស្ថិតិគ្រប់គ្រងបាល់ ៦៣ ភាគរយ បញ្ជូន ៦១៥ ប៉ះ ជោគជ័យ ៩០ ភាគរយ។ ចំណែកឯការបង្កើតឱកាសស៊ុតធ្វើបានដល់ ២១ លើក ចំគោលដៅ ៨ លើក នេះធៀបនឹងខាងក្រុមភ្ញៀវ ស៊ុតចំគោលដៅ ៦ លើក នៅឱកាសសរុប ១៣ លើក។
យ៉ាងណាគ្រាប់បាល់បើកឆាក ដើមឡើយខាងក្រុមភ្ញៀវធ្វើបានមុនទេ កើតចេញពីកីឡាករ Denis Bouanga នៅនាទី ១៦ មុន ពេល Kylian Mbappe រកបាន ២ គ្រាប់ នៅនាទី ៤២ និង ៤៧ ហើយរំលង ៥ នាទីក្រោយ PSG ក៏បន្ថែមគ្រាប់បាល់ទី ៣ ចេញពី Danilo Pereira រួចរក្សាលទ្ធផលដល់ចប់តង់៕
ទស្សនាវីដេអូខាងក្រោម៖