លោក Julian Nagelsmann អ្នកចាត់ការក្រុម Hoffenheim បានបញ្ជាក់ថាក្រុមរបស់ខ្លួនត្រៀមជាស្រេច ដើម្បីវាយប្រហារយកជ័យជម្នះលើក្រុម Manchester City នៅរាត្រីនេះ។
ក្រុម Hoffenheim នឹងបើកទ្វាកីឡដ្ឋានរបស់ខ្លួន ស្វាគមន៍ក្រុមភ្ញៀវ Man City ក្នុងការប្រកួតសន្សំពិន្ទុ UEFA Champions League ។ ការប្រកួតនេះដែរ ពិតជាសំខាន់មែនទែនសម្រាប់ក្រុមរបស់លោក Pep ព្រោះថាប្រកួតដំបូង ចាញ់ក្រុម Lyon ២-១ ម្ដងមកហើយ។ ដោយឡែកសម្រាប់ក្រុម Hoffenheim វិញ ស្មើជាមួយក្រុម Shakhtar Donetsk ២-២។
មុនការប្រកួតនេះចាប់ផ្ដើម លោក Julian Nagelsmann អ្នកចាត់ការក្រុម Hoffenheim បានបញ្ជាក់ថាក្រុមរបស់លោកត្រៀមខ្លួនរួចជាស្រេច ដើម្បីយកពិន្ទុពី Man City ។ លោកដឹងថាក្រុមរបស់លោក Pep ពិតជាចង់ឈ្នះការប្រកួតនេះខ្លាំងណាស់ ដើម្បីបានពិន្ទុវិញ ព្រោះប្រកួតទី១ពួកគេមិនបានពិន្ទុឡើយ។យ៉ាងណាមិញ ក្រុមរបស់លោកក៏ចង់បានពិន្ទុដូចគ្នា ព្រោះប្រកួតទី ១ ពួកគេបាន១ពិន្ទុក្នុងដៃរួចហើយ៕ប្រភពDailyMail